Unicode
အေးစက်နေတဲ့ လက်ဖျားတွေကို
အနွေးဓာတ် ရလို့ရညား ပွတ်သက်
နေမိတော့သည်။
အခန်းတွင်းက လေထုက အပြင်ကထက်
ပိုအေးနေသယောင် အေးစက်နေတဲ့လက်နဲ့
ခြားနားစွာ နှဖူးထက်မှာတော့ ခြွေပေါက်
အနည်းငယ် ရှိနေပြန်သည်။
ဒါက..... ဟုတ်ပါတယ် ကြောက်နေတဲ့
လက္ခဏာတွေပါပဲ ~
" Mr. Sean နော် "
" ဟုတ်ကဲ့ ဒေါက်တာ "
" ခံစားနေရတာတွေကို ပြောပြလို့ရပါပြီ "
" အခုတလော ဗိုက်က
တစ်ချက်တစ်ချက်အောင့်တယ်
စားပြီးရင်လည်း အစောမကြေသလို
ရင်ပြည့်ရင်ကယ်ဖြစ်တယ်။ ပျို့တာ
အန်တာတွေလည်း ဖြစ်တယ် ဒေါက်တာ"
" အန်တာက တစ်နေ့ကို
ဘယ်နှကြိမ်လောက်ရှိလဲ Sean "
" စားပြီးတိုင်းပဲ ဒေါက်တာ "
" ထမင်းစားရင်
ထမင်းအစေ့လိုက်တွေ
ပြန်အန်တတ်သလား "
" ဟုတ်ကဲ့ "
သူ့အရှေ့ ဆုံလည်ကုလားထိုင်မှာ
ထိုင်နေတဲ့ဒေါက်တာကတော့
သူပြောသမျှကို တတောက်တောက်နဲ့
ကွန်ပျူတာမှာ လိုက်မှတ်နေသည်။
" တခြား ဘာဖြစ်သေးလဲ Sean "
" အဲ့ဒါပါပဲ တခြားဘာပြဿနာမှ
မရှိပါဘူး ဒေါက်တာ "
" ဗိုက်အောင့်တာကရော
ဘယ်အချိန်တွေအောင့်တတ်သလဲ Sean "
" အစာ စားပြီးတဲ့အချိန်ပါ
တစ်ခါတစ်လေ ဆိုမစားဘဲ
စူးအောင့်တဲ့ အချိန်တွေရှိပါတယ် "
" ဟုတ်ပါပြီ အရင်ဆုံး စစ်ဆေးမှုတွေ
လုပ်ကြည့် ကြရအောင် သွေးစစ်တာတွေ
နောက် CT Scan ရိုက်တာ လုပ်ရပါမယ်
Sean "
" ဟုတ်ကဲ့ ဒေါက်တာ .... ဟို
ကျွန်တော်ဖြစ်နေတာတွေက ဘာဖြစ်လို့လဲ
ဒေါက်တာ "
ရှောင်းကျန့် စိုးရိမ်စွာမေးလိုက်မိသည်။
စိတ်ထဲကလည်း သူထင်ထားတာတွေ
မဟုတ်ဖို့သာ တိတ်တဆိတ်ဆုတောင်း
နေမိတော့သည်။
" လက္ခဏာတွေ အရဆိုရင်တော့
Oesophagus နဲ့ Stomach မှာ
ပြဿနာ တစ်ခုခုဖြစ်နေပါတယ်။
အဲ့နေရာတွေမှာ အကျိတ်ရှိနေတာ
ဒါမှမဟုတ် အလုပ်မလုပ်တော့တဲ့အခါမှာ
အခုလိုတွေ ဖြစ်တာပါ အကျိတ် ရှိမရှိ
ဆိုတာကတော့ CT scan ရိုက်ကြည့်မှ
သိရပါမယ် Sean
