မနက်ခင်း နေရောင်ခြည် ထွက်ပြူလာသည်နှင့် အလင်းတို့လဲ ရွာသို့ ပြန်လာခဲ့ကြသည်။ သားလေးကိုပါ အလင်းတို့
နှင့် တပါတည်း ခေါ်လာခဲ့ကြသည်။ ညက မိုးရွာထားသည့် အရှိန်ကြောင့် ရာသီဥတုကလေးဟာ ချမ်းစိမ့်စိမ့်ကလေး နှင့် နေလို့ အလွန်ကောင်းသည်။
စပါးပင်စိမ်းစိမ်းကလေးများကလဲ လေယူရာ နွဲ့ယိမ်းလို့နေတယ်။ ဗျိုင်းဖြူလေးများကလဲ ဟိုတစ်ကောင် ဒီတစ်ကောင်ဖြင့် အစာရှာလို့နေတယ်။ တောတောင်ရေမြေသဘာဝ အရကြားနေရသည့် ကျေးငှက်ကလေးများရဲ့ ကျည်ကျည်ကျာကျာ အသံလေးများ ၊ လမ်းဘေးမှ တသွင်သွင် စီးဆင်းနေသည့် ဆည်ရေကျသံလေးများ ဟာလဲ သာယာနာပျော်ဖွယ် ကောင်းလို့နေတယ်။
•
" အဘရေ အဘ... "
ဆိုင်ကယ်ရပ်သည်နှင့် တစ်ပြိုင်နက် အလင်းလဲ အဘအား အော်ခေါ်ကာ ကွပ်ပစ်ပေါ်သို့ တက်ထိုင်လိုက်တယ်။
ဉီးလှမြိုင်လဲ အလင်းရဲ့ ခေါ်သံကြောင့် အိမ်ရှေ့သို့ ထွက်လာပြီး...
" ဘာလို့ ခုနစ်အိမ်ကြား ရှစ်အိမ်ကြား အော်ခေါ်နေရတာလဲ အလင်းရယ် ... ငါ နားမလေး သေးပါဘူးကွ... "
ပြောရင်း ဉီးလှမြိုင်လဲ အလင်းအရှေ့၌ ဝင်ထိုင်လိုက်တယ်။ အလင်းလက်ထဲမှ တစ်နှစ်သား အရွယ်ကလေးလေးအား တွေ့တော့ အံ့အားသင့်ပြီး မျက်လုံးအပြူးသားဖြင့် အလင်းအား စိုက်ကြည့်လို့နေတယ်။
" အဘ နားမလေး မှန်းတော့ အလင်းသိပါတယ် အဘရယ်... အလင်းက အလင်းတို့ ပြန်ရောက်ပြီ ဆိုတဲ့အကြောင်း အသံ လှမ်းပြုတာပါ... "
" အေးအေး ဒါနဲ့ ဒီကလေးက ဘယ်သူ့ ကလေးလဲ... "
" ကိုကိုနဲ့ အလင်းတို့ရဲ့ ကလေး... "
အလင်းရဲ့ စကားကြောင်း ဉီးလှမြိုင်တစ်ယောက် နားရှုပ်သွားပြီး ခေါင်း
တဗျင်းဗျင်း ကုတ်လိုက်တယ်။
" စကားကို ရှင်းရှင်းလင်းလင်း ပြောစမ်း အလင်း... ဒီကလေးက ဘယ်သူ့ ကလေးလဲ.. "
" ဪ... အဘရယ် ကိုကိုနဲ့ အလင်းတို့ရဲ့ ကလေးပါဆို... "
" နေစမ်းပါဉီး မင်းတို့နှစ်ယောက်ရဲ့ ကလေးလို့ ပြောရအောင်... ဘယ်သူက ဘယ်အချိန်မှာ ဘယ်လိုမွေးလိုက်တာလဲ... "
