Substitute Series 1: Substitute Girlfriend (Completed)

Chapter 44

Amari POV

Ang tagal naman nila. Kanina pa sila sa loob tapos hanggang ngayon ay hindi parin sila nalabas

Ilang oras na kaming nagiintay sa pagbubukas ng pinto pero ang tagal talaga

Pare parehas lang kami nakatingin sa pinto, walang nagbalak magsalita. Pare parehong malalim ang iniisip

Ngayon ko lang naranasan ang matakot ng ganito at hindi talaga sya masarap sa pakiramdam. Ayoko na maranasan ito pero hindi ito mawawala hanggant hindi lumalabas ang doctor sa pintuan na iyo para sabihin na maayos na ang lahat

Gusto kong magwala para buksan nila ang pinto at makapasok ako pero wala na akong enerhiya para gawin yon

Pakiramdam ko ay pagod na pagod ako at hinang hina. Hindi ko magawang igalaw ang katawan ko

Isang buwan na akong ganito. Wala akong sakit pero nanghihina ako dahil kay Margaux. Nanghihina ako dahil sa kalagayan nya

"Hindi ka ba nagugutom anak?" Tanong sa akin ni daddy, sya ang bumasag sa katahimikan

"Wala po akong gana" sa tingin ko ay hindi ko kakayanin na ngumuya manlang habang iniisip ang kalagayan ni Margaux sa loob

Hindi ko kayang isipin na binubutas ang ulo nya para matanggal ang tumor na yon

Lintik na meningioma naman kasi na yon! Sa daming ulo na dadapuan ay sa best friend ko pa na naisipan dumapo!

Kung may katawan tao lang talaga ang sakit na yon ay baka napapatay ko na dya

"Ilang oras na tayong nandito, sigurado akong kumakalam na ang sikmura nyo"

Ayoko tumayo para kumain. Dito lang ako. Gusto ko nandito ako kapag lumabas ang doctor tapis sabihin na okay na si Margaux

"Magsikain na kayo. Kami na ang bahala dito. Salamat sa tulong nyo" sabi ng tatay ni Margaux

"Hindi po ako aalis dito, magbabantay po ako para kapag lumabas ang doctor ay nandito ako" pamimilit ko pa

"Sige, kung yan ang gusto mo. Bibili muna kami ng pagkain nating lahat"

Umalis sila mom at dad para bumili ng pagkain. Masaya ako na nandito sila kasama namin. Malaking tulong para sa akin yon lalo na at pinanghihinaan na ako ng loob ngayon kahit ang isip ko ay sinasabing magtatagumpay ang operasyon

Isa isa ko silang tiningnan, si tita na nanay ni Margaux ay kanina pa walang imik. Tulala habang patuloy na umiiyak

Si tito na pinapalakas ang loob ni tita kahit alam ko naman na pinanghihinaan narin sya ng loob

Si Zeus na kanina ko pa katabi ay pilit din pinapalakas ang loob ko

Ang mga magulang ni Dale at Zeus na parehas bakas ang pagaalala sa mukha

Si Dale na halatang kulang sa tulog. Bihira na sya matulog simula nung hindi gumising si Margaux. Ayaw nya iwanan

Naaawa na nga ako sa kanya, tulala lang sya lagi tapos madalas syang umiyak.

Alam ko na sinisisi nya ang sarili nya sa nangyari kay Margaux. Ako rin naman, nung una ay sinisisi ko rin sya pero narealize ko na wala naman syang kasalanan. Hindi naman sya ang naglagay ng tumor sa utak ni Margaux

Madalas din syang nalilipasan ng kain. Parang wala syang kagutuman.

Kinakausap nya lang lagi si Margaux tapos nagmamakaawa sya na gumising na ito

Minsan nga ay iniisip ko na baka gusto na talagang mamatay ni Margaux pero agad ko yon tinatanggal sa isip ko

"Son, are you okay?" Tanong ni tita kay Dale