[Unicode]
YL Entရဲ့ CEO ရုံးခန်းထဲတွင်
" လီယာနဲ့မနက်စာအတူ သွားစားရအောင်လား ကို"
" ကိုယ်မအားသေးဘူး လီယာ၊ နောက်နေ့မှသွားရအောင် "
ဒေါသထွက်နေသည့်အရိပ်အယောင် တစ်စိုးတစ်စိမှမပေါ်သည့် ဝမ်ရိပေါ်က၊ တွေသမျှကိုအကုန်ရိုက်ခွဲဖျက်စီးချင်နေတာကို လီယာကတော့သိမယ်မထင်။ ထို့ကြောင့်လဲ သူမကဂျီတိုက်နေတာဖြစ်သည်။
" မကြာခင်မှာပဲ ကိုနဲ့လီယာက လက်ထပ်ကြတော့မှာလေ၊ အဲ့ဒါကြောင့်အခုကတည်းက လီယာ့အတွက်အချိန်ပေးနိုင်အောင် ကိုကကြိုးစားပေးရမှာလေ "
" ကိုယ်မအားသေးဘူးလို့ပြောနေတယ်လေ လီယာ "
ရိပေါ်အသံကတဖြည်းဖြည်း အေးစက်လာသည်ကို လီယာကသတိထားမိဟန်မတူ၊ သူမဖြစ်ချင်တာကိုသာ ဖြည့်ဆည်းပေးရန် ဂျစ်တိုက်နေသည်။ ထိုအချိန် intercomကနေ အတွင်းရေးမှူးလေူရဲ့အသံက ထွက်ပေါ်လာသည်။
" CEO မန်နေဂျာ Sam ကတွေ့ခွင့်တောင်းနေပါတယ် "
" လွှတ်လိုက်! "
အတွင်းရေးမှူးလေးကိုဖြေပြီးသည်နှင့် သူ့အရှေ့ကမိန်းကလေးကို မော့ကြည့်လို့
" ကိုယ်မအားသေးဘူးဆိုတာ မင်းမြင်တယ်မလား လီယာ၊ ဒါကြောင့် ပြန်တော့ "
လီယာဘာမှမပြောနိုင်ခင် Samကဝင်လာသည်မို့ ဒေါသတို့ကိုချုပ်တည်းကာ ရုံးခန်းထဲကထွက်လာလိုက်သည်။ နှုတ်ခမ်းကိုပြတ်ထွက်လုမတတ်ကိုက်လို့ လက်သီးတင်းတင်းဆုပ်ကာ ဒေါက်ဖိနပ်သံ တစ်ဂွက်ဂွက်မြည်အောင် လမ်းလျှောက်ဖို့လဲမမေ့။
ရိပေါ်ပတော့ သူ့အရှေ့ကမိန်းမပျိုကို ခံစားမှုမရှိတဲ့ မူပိုင်မျက်နှာသေနဲ့သာ သူမရဲ့အပြုအမူတွေကို အကဲခတ်လို့နေသည်။ ထိုအမျိုးသမီးထွက်သွားသည်နှင့် Samကဝင်လာသည်။
" ကျွန်တော် ကျန့်ကျန့်ကို ဘယ်လိုမှဆက်သွယ်လို့မဘူး CEO "
" ဆင်ခြင် ပေးတာလား "
Samတစ်ကိုယ်လုံးတောင့်တင်းသွားသည်။ CEOရဲ့အသံက အရှိန်အဝါအပြည့်နဲ့ အေးစက်တောင့်တင်းနေသည်။
