مشهد
القصه حقيقيه - كتابة mona alzwiy '", .
قاعده في قاعة الانتظار والمستشفى زاحم ، عمي سالم واقف عند راسي ، ومش عاجبه شي ، اشوي وطلعت الممرضه ...
- غاليه يوسف
سمعت اسمعي ، وقفت دخلت ع الدكتور ،وعمي سالم قعد واقف برا ،ما دخلش معايا ولا تعب روحه اصلآ، لكن احسن فكه .
دخلت ع الدكتور مرتبكه وخايفه، عمري مادخلت مكان بروحي ديما ماما او بابا معايا ،لكن ياحيف ع التراب االي لمهم وخلاني للمذله
-السلام عليكم
-وعليكم السلام ورحمة الله وبركاته،،، اسمك وعمرك؟؟
- غاليه يوسف ، عمري 16
- من شنو تشكي يا غاليه ؟؟
حكيت للدكتور ع الدوخه اللي ملازمتني ، وضيق التنفس وحاجات ثانيه متعبتني من فتره ، طلب مني تحاليل وقالي في اي مختبر نلقاهن ،وعندي معاه موعد ثاني بكرا الصبح ، طلعت ماشفتش عمي، دورت عليه في صالة الانتظار مش قاعد ،طلعت منها وقعدت ماشيه ونتلفت ، خوف على ارتباك ، اخ من الوقت اللي خلاني بلا سند ، قربو دموعي ينزولوا، شفت من باب القزاز عمي واقف مع راجل طويل وعريض وشعره اسود كثيف ، شكله يخوف الصراحه وكأنه مصارع، يمكن شفته هكي لانه واقف مع عمي سالم قصير واجد .
بعد شفت عمي ارتحت اشويه، مشيتله وقف بعيده منه اشوي وهوا لاحظ جيتي .
قعد يمكن ربع ساعه يحكي مع الراجل وشكله الراجل متعصب ويهدد ،وعمي يحاول يهدي فيه
التفتو عليا وقعدو يحكو ، حسيت الكلام عليا لكن مش فاهمه شنو صاير، اشوي وجا عمي سحبني للسياره وقعدنا نمشو ورا الراجل بسيارته،
وقفنا قدام العماره اللي ساكنين فيها ، وحتى الراجل إللي كان مع عمي وقف معانا ، نزلت انا ، وخليت عمي يحكي مع الراجل عند باب العماره، مش عارفه ليش مش متريحتله، نظراته مش مريحه امركز عليا لين خلاص ،
فتحتلي هدى مرت عمي الباب مرا طيبه وحنونه معاي عكس عمو تماماً ، يمكن هيا حنونه معاي لانها عاشت يتيمه زيي ،وحاسه بيا ،دخلنا بسرعه للدار وسكرنا عليا ، عشان عمي والراجل يدخلوا ،لكن طولوا ما دخلوا استغربنا ،مشيت شفت من الروشن مش قاعدين سيارة عمي سالم بس قاعده، التفتت على عمتي هدي ،
- شكلهم طلعوا بسيارة الراجل مش قاعدين برا.
قعدنا نحكو انا وعمتي هدى وتسأل فيا شنو قالي الدكتور وشنو صار معاي ، اشوي وسمعنا صوت الباب انفتح ودخل عمي وصوت رجاله واجد معاه مش واحد بس، جانا وقال عطونا قهوه وطلع ع السريع ،
درتلهم قهوه وحطيت معاها حلويات ورتبت السفره ، طلعت خبطت الباب اللي في الصاله عشان يجي عمي ياخذ السفره ،،، جاني وهو عاقد حواجبه مايعجبه العجب ، قال بنتوره
- في هايك اسمه تيليفون اتصلي بدل ما تخبطي
مارديت عليه متعوده على حالاته النفسيه ، طولوا وهما يحكو والصوت تعالى هرجه مش عارفه من يتكلم ومن يسمه كالها تدوي ، قتلنا الفضول انا وعمتي هدى قربنا من الباب نسمعو عليهم ، لكن تبي تفهم ماتفهم شي ، حسهم اهدي تباعدنا بسرعه من الباب ، وكلهم يرددو في مبارك ان شاء الله.
مشينا للمطبخ ، وطلعوا الجماعه ، دخل علينا عمي ، وقالي..
- صبي لمي دبشك وامشي مع راجلك .
معرفته على شنو يحكي ما استوعبت شي في لحظتها ، قتله شنو؟؟؟ راااجلي ؟؟
