حب وحرب( في ليبيا يحرم العشق )🇱🇾🔥
البارت 39
بقلم:منى بن محمد الزوي
____________
انت وطن وانا شديد الانتماء..🖤
~~~~~~~~
طلعت والنار تاكل فيا،، بين عيوني صورة نضال مع سوسن الغيره عمتني ماشيه نبي نضربهم نبي انعيط عليهم نبي انطفي النار اللي فيا...لكن اللي شفته خلاني انتحشم على وجي ونسكت...
نضال راقد في الصاله ويده على عيونه...صبيت عند باب داري انشوفله رقيت سوسن شافتني فنصت فيا بمكر ودخلت لدارها طربقت الباب وراها،،،عيط نضال: بنت الكلب الدنيا ليل
شافني ماعدل عليا رد يده على عيونه مشيت قعمزت بعيده منه اشوي،،، قعمز طلع دخانه وقعد يدخن انا انحب بنة الدخان من حملي الاول توحمت عليه قعدت انحبه بالذات من نضال الدخان مع عطره احب ريحه على قلبي...
زدت قربت منه لصقت فيه طلع الدخان من فمه بقوه وقالي: غاليه اقلبي وجك لدارك
قعدت بس مارديت عليه عاود مره ثانيه بضيق علم: غاليه الكلام واحد اقلبي وجك لدارك صبييي
بعد شفته علا صوته وعصب مسكت في كتفه وحطيت راسي على صدره حضنته زين ،تنهد وكمل دخانه رفعت راسي عيني جت في عينه ضحكت فرحانه انه قاعد معاي مش معاها شفت مجال ابتسامه على شفايفه يبي يضحك،،، حبيته في خده بسرعه ووخرت سحبني من يدي وهوا يضحك حبني زين وقعد يلعب بشعري..
------------------
ثاني يوم سوسن ماطلعت من دارها بكل ،،، فطرنا انا ونضال وحدنا زياد طلع من الصبح بدري يستلم في احم احم واصلات لنضال اليوم....مسكين غير الحاجه طيحاته في نضال وشغله هذا وهوا طموحه عسكريه مضطر يشتغل في الممنوعات
نضال فطر وطلع ،،لميت السفره وقلبت في كتب الطبخ شفت كبه منظرها يسهف
( وكعليي خطر عليا فيلم سندريلا والسحاره قاسمي قفطان بودري يسهف😂😂😂)
المهم عاد انردوا للروايه وللنكد
__///_____/_//
طلعت مواد الكبه نبي اندير كبه ومكرونه ،،،قاعده انحوس في المطبخ وحالي يشغل جت سوسن عرفتها جايه من صوت نقنقة ولدها...
دخلت بحتت فيا وواضح عليها تبي اتموت من القهر...قربت مني والغل مالي عيونها انا ماسكه الدحي ومركزه فيها نرجا فيها اتكلم
_ انتي ليش هكا انانيه ،، كيف مانضال زوجك زوجي حتى اني،،علاش تفتني فيه عليا
_ والله يا ماما انتي تزوجتيه وعارفته متجوز ويحب مراته،،انتي اللي خرابة بيوت،،، وانا مش فتانه اللقطه هذي خليتها لكي،،، تذكري شنو درتي في المرحومه الاء ولا انذكرك
قربت مني بطريقه تخوف: غاليه ماتخليني انوريك وجي الثاني
_ ههههه اكيد اوسخ من هض صح،،،المهم اللي عندك طلعيه الثاني وحتى الثالث كان تبي
