حب وحرب( في ليبيا يحرم العشق) 🇱🇾🔥
البارت 43
______
بقلم" منى بن محمد الزوي "
______
كان الوداع بارد وقصير جداً...قصير لدرجة اننا لم نقل وداعاً...🖤🔥
~~~~~~~~~~~
_ انتي طالق
كلمته وجعتني اكثر من ضربه...قعمزت بصعوبه والدموع متجمده في عيوني مزال ما استوعبت كلامه رفعني من شعري:هذا علاش عمك باعك يا عار ...
نبكي وايديا على ايديه: نضال قولي بس ليش شنو درتلك انا
عزقني بقوه ع الوطا وقال: اني تخونيني يا بنت *&&&* لمي دبشك بسرعه انردك من وين ما جيتي ياعار
_ والله ما خنتك اقسم بالله بس فهمني
انا مزال ما كملت كلامي ضربني بكراعه على خصري وقعد يسب مسكت خصري نتألم صبيت بسرعه مسكت يده: نضال بس فهمني شنو درت انا
مسك وجي بيده بقوه ويتكلم بعصبيه من بين اسنونه: تستغفليني واتجيبي راجل لبيتي يا بنت**** الحق مش عليك اصلآ ع **&*اللي محترمك ودايرلك قدر
وخرت يده مني بقوه انتكلم وانعيط : من امتى دايرلي قدر ها قول وربي هي مانك بعقلك انا اللي هبله صبرت عليك
مشيت بسرعه لغرفة الملابس طلعت شنطه ونعزق في دبشي فيها وانا شارقه في بكاي لين نفسي انقطع رعد يعيط طلعتله رفعته ونضال مقعمز ع الصالون ومنزل راسه...صبا خذا مني رعد ومسك يدي لواها : اي يا مدام ماقلتيلي منهو حبيب القلب
_ اقسم بالله مانعرف حد ولا عمري حكيت مع حد على شنو تحكي انت
_ اي صدقتك خلاص / ضغط على يدي اقوى وقال من بين اسنونه: ماتكذبي الجارات شافنك وام عبدالله شاهده
فكيت يدي منه ومسكتها ودموعي شلال : اقسم بالله كذب انا مش عارفه انت على شنو تحكي
تخطاني ومشا للسرير رفع تليفوني ولعه وفنه عليا : افتحي الرمز
فتحته ومديته له نبي ناخذ رعد وخرني منه لين طحت
طلع معاه رعد وهوا يفنص فيا لحقته وانا انعيط: نضال عطيني ولدي بلاهي نضال عطيني رعد
دفني جوا وقفل عليا طحت فيا الوطا انخبط في وجي وانعيط نبي رعد صوتي راح ورقبتي تجرحت ...
قعدت لين نص الليل بروحي ومقفول عليا لبستي خفيفه وشعري مبلول ماقدرت انغير ولا اندير شي من القهر نسمع في رعد يعيط انخبط ع الباب نبي حد يفتحلي محد يرد كسرت كل شي في الدار عيط خبطت ولا حد عبرني او فتحلي قعمزت يالا السرير راسي على كرعيا ونبكي قلبي محروق على رعد يعيط ماسكت بكل
فتح نضال الباب صبيت وشعري مغطي وجي ودموعي ينزلن قتله بصوت هالك : نضال نبي رعد والله نطلع من حياتك بس عطيني ولدي
