حب وحرب( في ليبيا يحرم العشق ) 🇱🇾🔥
البارت 30
بقلم Mona alzwiy
~~~~~~~~
~~~~~~~~
أما ارتوت بلادي من دماء شعبها ..🇱🇾🥀
_______
طلع وهوا ناوي القتل،، ناوي يحرق اللي حرق ولده،،، هذا شرهم قاعد يرد عليهم،، لين الصبح مارقدت،، ماقدرت نرقد،، نبي نعرف شنو صار مع نضال...
_________
طلع من البيت والنار تطاير من عيونه مارد لثاني يوم الصبح،،، انا راقده في الصاله وانا مقعمزه كنت نرجا فيه خذاني النوم،،، حسيت بيده على خدي وينادي فيا، فزيت وقعدت بسرعه ابتسملي وعيونه تاعبات ،، مسكت يده وقعدت نبكي قعمز يالاي حضنته ومسكت فيه زين قعدت يقولي خيرك علاش تبكي رفعت راسي وقتله
_ قتلته؟!
_ حرقته .
انشوفله ودموعي ينزلن عقد حواجبه و قالي: تي خيرك تبكي تعرفيه انتي؟؟
_ من وين نعرفه انا كنك انت،،،نبكي عليك وعلى حالنا لين امتى قتل وموت نضال حرام عليك
_ الحرام اني ماناخذ بحق ولدي
قالها هوا يمشي يبي يرقا الدروج صبيت لحقته مشيت وراه قالي جهزيلي دبشي دخل للحمام طلعتله دبش وعقلي مش معاي،، نتخيل في نضال يحرق في انسان حي ويتعذب قدامه،، قعدت انخاف منه حتى وهوا راجلي المفروض انحس معاه بالأمان صح انا انحبه وعارفته يحبني لكن هوا بعد يعصب اويحقد ايدير اي شي،، نضرة الشر فيه شفتها من اول يوم طلعت معاه من بيت عمي،، رقدت ع السرير وانشوف للسقف ودموعي ينزلن مش عارفه ليش قلبي يوجع فيا والدنيا ضايقه بيا،، طلع من الحمام نشف شعره ولبس وجا قعد يالاي مسحت دموعي ولفيت للجهه الثانيه تنهد ورقد،،،خذاني النوم لين قريب المغرب نضت مالقيته شفت السماء الوقت باين انه قريب مغرب فزيت بسرعه توضيت وصليت ونزلت،، لقيت سوسن قاعده والاء شكلها كانت تبكي،، ونضال مش قاعد،، دخلت للمطبخ لقيت الاء دايره الفطور دخلت سوسن،،
_ خيرك ماتسلمي السلام لربي في الاخير
_ واللهي يا ماما السلام للي منهم السلام كلا انتي ماوراك غير الشر والفتنه خربتي علاقة البنت مع خوها الدنيا عيد وهما متخاصمين انعنك تلقيها واتلقيها
• فصلت فيا رقيتلها من كلامي: انتي خيرك معاي ماتصدقي اتحصلي فرصه عشان اتديري مشكله حرام عليك شنو درتلك اني شنو شفتي مني
قعدت تبكي استغربت فيها قاعده في المطبخ وهيا امصبيه عند الباب دخل نضال عرفتها قلبت الموضوع وبكيت عشان هوا جا،، قال خيركم؟!
سوسن: هذي غاليه دوبها نزلت جيت نبي انسلم عليها قعدت تغلط عليا واتقولي انتي مايجوز عليك السلام شنو درتلها اني علاش هكا معاي هيا
