حب وحرب( في ليبيا يحرم العشق ) 🇱🇾🔥
البارت 25 : كتابة Mona alzwiy
____________/
/"عرفَ الحبيبُ مكانه.. فتَدَلّلا."
_______
حطت الاء الغداء ،،، قالت لخالد يرقا ينادي باته ،، قفلت تليفوني وحطيته تحت المخده،،، سمعت صوت خطواته نازل من الدورج التفتت عليه،،، نازل بثقه لابس بجامه سوده كلها يحب يلبس الاسود طوله عجيب وعضلاته يجنن انموت فيه مانقدر انخليه لكن تعبت منه بما فيه الكفاية ،، شافلي بطرف عينه وقعد ع السفره وقعد يالاه خالد ،، قالي
_ تعالي تغدي
_ لا ماعندي نيه
_ تعالي بلا دلع
_ قتلك مانبي
_ غااليه
انفجرت فيه انا متضايقه ومتوتره وهوا يزيد عليا :
_ عطها موت غاليه وتفتك منك قتلك مانبي خلاص مش غصب هيا فوت امي خلااص
عزق الكاشيك وصبا بسرعه مسك في شعري وبدا فيا كفوف : قليلة الأدب حقيره بنت ال&&&& مش امتاعة قدر
امغمضه عيوني وساكته ما بكيت هوا يضرب ويسب وخالد يعيط اخر شي سحبني من يدي نبي انصبي معاه مش قادره ،، يرقا ع الدروج وانا وراه خطوه نمشيها وخطوه انطيح لكن ما بكيت تعودت خلاص،،، عزقني في الدار ع الوطا وطبس عليا مسك شعري
_ تعرفي شني بندير فيك
انشوفله وساكته لكن عيوني فيهن دموع
_ بنجيبها اهني على راسك عشان تعرفي قدرك امليح انتي مش امتعات قدر ،، لسانك طويل وانا المرا اللي لسانها طويل انموت منها نكرهااا
فك شعري وصبا يوخر ويشوفلي بمكر ،، طلع وصكر الباب سحبت روحي ورا لين وصلت للزاويه رقدت ولميت روحي دموعي نزلن غصب عني ،،، قعدت اشوي وقعمزت مسحت دموعي ورفعت كراعي فكيت الشاش جروح مش كبار ومافي دم ،،،فكيت اليسار في خياطه من بعد الأصابع وجروح واجد رديت لفيته لكن اليمين خليته،،، خلاص حطيت في راسي نهرب مانقدر نصبر على الذل اكثر،،، المشكله تليفوني تحت نبي انكلم حافظ نبي نعرف كيف نطلعله ومن وين،،قعدت في مكاني انقاوم في دموعي لين العصر دخل نضال شافلي بطرف عينه فتح الدولاب طلع دبشه ولف عليا عزقه عليا
_ اكويه
قالها ودخل للحمام انا قبل نكوي في دبشه اول بأول لكن توا مش كاويه شي بركات أستاذ نضال،،، صبيت نعرج وماسكه في الساس لين وصلت طاولة المكوه نزلتها اشوي وجبت كرسي قعدت نكوي ،، طلع نشف شعره وجا خذاه مني قعد يلبس انا صبيت للدولاب طلعت باقي دبشه قعدت نكوي فيه ،،، حط عطره ومتجاهلني ولا كأني قاعده ،، عاقد حواجبه اخر شي شافلي بطرف عينه وطلع،، كملت من دبشه علقته كله وغسلت اللي كان لابسه ،، مشيت للروشن سيارته مش قاعده ،، فتحت الباب وناديت خالد ،،ردت عليا الاء قتلها عطيه تليفوني خليه يجيبه ليا تلقيته في مكاني امبدري،،،، دخلت جت الاء جاباته ليا،، قعدت يالاي وقالت
