حب وحرب( في ليبيا يحرم العشق ) 🇱🇾🔥
البارت 31
# بقلم : منى بن محمد الزوي🖤
________
طلع نضال للمربوعه قالتلي الاء: غاليه عادي ناخذ تليفونك انكلم حمزه مره وحده بس وربي،، انقوله نضال يبي يجوزني
• تجدا فيا وتبكي ماعرفت شنو انقوللها انخاف نعطيها وانريح فيها ويعرفها نضال بعدها مايرحمني،، وانخاف مانعطيها وناخذ ذنبها لان ممكن كل شي يتصلح بإتصال واحد بس... قلتلها مايصير منها كلميه بتليفون زهره بنت خالتك بعد اتجي للخطوبه سكتت وزعلت رفعت دبشي ورقيت ماكلمتها مانقدر نعطيها اصلآ،،،حطيت دبشي في الدار وغيرت ونزلت درت قهوه لنضال واللي معاه ،، هيا في دارها امصكره عليها،، اتصلت على نضال ياخذ القهوه واتكيت في الصاله بطني توجع فيا حاسه بشي يبي ينزل مني ومقلصه روحي،،، جا نضال بياخذ السفره شافني قرب مني: خيرك غلاي تعبانه
_ لا اشوية مغص تو يمشي
_ صبي البسي عبايتك يطلع حسام وناخذك للمستشفى
_ لا مانبي
_ صبي قتلك هيا
صبيت رقيت فوق ويدي على بطني من الألم وهوا خذا القهوه وطلع،،، ماعندي جهد نمشي للمستشفى وكشف وتحاليل مانبي خذيت مسكن واتكيت خذاني النوم ومعش حسيت بروحي......
مش عارفه كم عدا من الوقت وانا راقده،،واعاني نضال وهوا معصب
_ غاليه مش قتلك البسي خيرك راسك يابس انتي
_ نضال خليني نرقد نعسانه
_تي خير امك انتي صبي هيا ولدك هذا تبيه يريح منك
بعد قال هكي صبيت برغم من ان النوم متمكن مني،، غسلت وجي ولبست عبايتي حسيت الألم خف اشويه،، طلعنا للمستشفى ووصا الاء اتصكر على روحها ،،، في السياره زاد الألم راح مفعول المسكن،،، قعدت ماسكه بطني وانعيط ونضال يقول خلاص اهدي وصلنا يسوق ويشوفلي متوتر،،، لين وصلنا للمستشفى انا منتهيه من الألم ،،نزل وجاني بسرعه فتحلي الباب ونزلني ،،، شافتنا الدكتوره اللي انراجع عندها جتنا بسرعه،، دخلوني الغرفه ومعاي نضال هوا ممنوع يدخل لكن قعدت انعيط وماسكه في يده خلوه يدخل،، دارتلي الدكتوره كشف وشافت نبض الجنين ،،،النبض ضعيف دارتلي دخول ،،، بتت في المستشفى ممنوع نضال يقعد معاي،،،ركبتلي الدكتوره دوا ،، وكل ماتدخل عليا الممرضه تلقاني نبكي،،، كلمت الدكتوره عطتني منوم ماكرهته نبي انتريح..
رقدت مانضت الا الصبح لقيت يالاي سمر وعمتي غدير حمدلي بالسلامه،،،،سألتهن على نضال قالتلي سمر قاعد برا،، قلتلها اتصليلي بيه
هيا قاعده تتصل بيه دخلت الممرضه سألتها على ولدي قالتلي كل شي تمام الحمدالله ،،، كلمت نضال وانا نبكي قالي تو انطلعك،،، جتني الدكتوره شافتني وطمنتني ،، دارتلي خروج رديت للبيت وانا خايفه حتى من الطريق انقول لنضال امشي براحه،، قعدت امهلوسه خايفه من اي شي،، وصلنا للبيت معانا سمر وعمتي غدير عمي ما ننسا جميلها تخاف عليا كيف بنتها واتحب اتشوفني احلا وحده،، دخلوني لدار المعيشه جن الاء وسوسن سلمن عليا ،، دخل نضال قعد معانا،،، يبي يصبي يرقا فوق التفت عليا : ترقي؟
