حب وحرب( في ليبيا يحرم العشق ) 🇱🇾🔥
البارت 10 : mona alzwiy
# ويا اسفي على شعب لم يعرف معنى الوطن 🥀
______________
نضنا على صوت سمر تعيط ؛ نضال افتح نضال بسرعه اجري، ناض بسرعه لبس سوريته ومشا يجري جريت وراه ،،وحاسه قلبي يبي يوقف ،، وبدا صوت السلاح وقف قلبي،،، فتح نضال الباب ورد بسرعه طلع السلاح خذا اثنين في يده وطلع يجري وهوا يقولي صكري عليك الحمام واقفلي الدار،،،ماقدرت انرد نبي نعرف شنو في برا ،،،، لبست ملاية الصلاة لقيتها ع الكنبه يالاي،وطلعت لقيت سمر ولاء وعمتي في الصاله اللي تحت يعيطن ويشوفن لبرا ،،، نزلت اشوي من الدورج وشفت لبرا ،،،نضال واقف مع رجاله مسلحين وصوت رصاص بعيد اشوي،، لكن ضرب قوي، شفت سيارات دخلن مع البوابه ودخل نضال بسرعه قال لخواته يطلعن ومغطيات وجوهن البنات ،،دخلوا معاه ثلاث رجاله شاف للدروج لقاني امصبيه عيط عليا : جواااا
وانا من اللي شفته معش قدرت انتحرك حاسه بروحي انشليت ،،، دخلت جا وراي البسي عبايه وخمار بسرعععهه ،،لبست وطلعني بسرعه من الدار خلاني في الصاله اللي فوق وبسرعة نادا على واحد قاله رضا هيا
وجو الرجاله فوق يدخلوا لداري ويطلعوا في السلاح ينزلوا فيه للسيارات،، وانا الدم نشف مني سلاح شنو جابه لداري ،يعني انا كنت في دار فيها سلاح ،باهي ليش ما شفته،، وين كان،،، دنيا مشوشه رجاله نازلين راقيين على الدار ،وعمتي والبنات شالوهن وخلوني ،، ودموعي ما نشفن ،،ونضال يعيط عليا وعلى اللي معاه ،قرب صوت الضرب،،، وطلعوا جماعته برا وبدا الضرب، لحظتها حسيت بروحي يتيمه صح ،امه وخواته طلعهن خاف عليهن ،لكن انا من ليا ،، واللي يبيه خلاص خذاه شنو يبي فيا توا ،،،كرهت روحي وحسيت الموت قريب مني ،،، مهما تمنى الإنسان الموت ،لين يوصله يخاف،،جاني نضال دخلني للدار لقيت الساس اللي يالا الزيانه مفتوح قريب دخت ،،
_ ادخلي هنا ،وحسك مايطلع ، حتى كان متت من هنا ماتطلعي ولا يطلع منك صوت ،، كان كتبلي ربي عمر انجيك وكان متت ، اصبري يهدا الوضوع والجماعة عارفين مكانك يفتحولك
جا يبي يطلع مسكت فيه : خليني معاك بلاهي، خليهم يقتلوني عادي ماتخليني هنا بروحي ظلمه
نبكي ودموعي شلال وصوتي مادوب يطلع ، قالي : ومن قالك يقتلوك ياخذوك ويذلوني بيك ،،اتموتي بين ايديهم، اصبري بس
دخلني للمكان المفتوح من الساس كأنه باب لكن هوا الساس نفس كأنه مداير فيه باب سري والساس كله مزخرف مش باينه الفتحه ،،دخلني وانا نبكي ونسمك في ايديه نجدا فيه ،،صكر عليا خلاني وعدا
قعدت بروحي في الظلمه نبكي وندعي ،، وفكره اتشيلني وفكره اتجيبني ،،كان هوا صار فيه شي انا وين نمشي ،، قعدت ممكن ساعه وانا بروحي في الظلمه والمكان بنتة سلاح انخنقت،، ،،،،فتح عليا نضال وطلعني بسرعه ،نزلت خماري ركبني في سياره مسلحه هوا يسوق ومعاه واحد ثاني اللي ينقاله رضا ،،، طلعنا وطلعوا ورانا جماعته بسيارات عاليه وكأنهم مافيا ،، حتى وانا مع نضال مش حاسه بالأمان ،،، طلعنا من طريق فاضيه و بعدها دخلنا على طريق مزارع ،،صبح والشمس قويه ورطوبه ،،
رضا يوصف لنضال ،
ونضال يسب بكلام غريب اول مره نسمعه ،،، دخلنا للمزرعه فيها بيت صغير نزلني لقيت عمتي والبنات وصبايا اخرى،،معش فهمت شنو صاير في البلاد، معقوله دواعش ، ولا احتلال ،دايخه وفي غربه ،،،دخلت سلمت الدار فيها صبايا كبار وبنات وعيال صغار ،، واللي يبكي واللي راقد من الفجعه ،،، نضال نادا على سمر ،، دخلت سمر مشيتله نجري
_ نضاال ...
التفتلي مستعجل ونزل الخمار على وجي : خيرك غلاي !
انشوفله ونبكي ،، قرب حضني ،وانا نبكي وهوا يقولي خليك قويه تو انجيك مش امخليك
