حب وحرب( في ليبيا يحرم العشق ) 🇱🇾🔥
البارت21 : كتابة Mona alzwiy
____________
《 مابال الأيام اللي كنا ننتظرها اصبحت تقسو 》🖇
________________________________
خليت يد سمر ونزلت خماري ،،طلعت والوليه دخلت ركبت في السياره هوا ساكت لكن سكوته مايبشر بالخير،، يجري بالسياره وعلى اعصابه وانا ميته من الخوف،،،وصلنا للبيت نزلت بسرعه ودخلت مسكني في الصاله بقوه،،
_ انتي امتى تحترمي نفسك تحسابي روحك صغيره ولا شني
يتكلم وماسكني من كتفي ويهز فيا...
_ نضال اسمعني بس واللهي...
• ماخلاني انكمل كلامي عطاني كف حطيت يدي على خدي ونبكي وخالد يبكي وماسك فيا ،، قرب مني نضال ويحكي بعصبيه: شنو المعيله اللي مدايرتها يا مدام شنو حركات ال**** هذين امتى اتربي انتي ها
هوا مزال يتكلم حولت خالد اللي كان ماسك في كراعي وجيت نبي نرقا،،، رد سحبني من يدي وعاطني الكف الثاني: وانا انكلم فيك ماتقلبي وجك قليلة الأدب ******&&*
_ علاش ضربتها علااش
_ هيا غلطت عليا
_ ماعندك لسان تردي عليها ولت فالحه اهني وغادي لا ،،ماتردي عليها والا ضروري الفضايح وتمدي يدك يعني
_ رديت عليها ل....
مزال ماكلمت كلامي : اقلبي وجك فوق حظك باللي في بطنك بس
رقيت وأنا واحله في دموعي ،، مكسور خاطري منه ومن الدنيا اول ما قربت من المرايه مسحت دموعي وشفت لروحي بنظرة قهر،، حولت دبشي عزقته في الوطا وفكيت شعري قعدت بالداخلية بس،، مشيت للحمام دوشت وطلعت بالديشمبر وشعري لافته بالمنشف ،،رقدت هكي من القهر ،،مغمضه عيوني و دموعي ينزل،، لين رقدت....
نضت حاسه بروحي متكسره قعمزت لفيت المنشف على راسي كويس ،،ومشيت للروشن فتحته الدنيا ليل،، لبست ولفيت شعري يتعب فيا ديما طويل واجد،،،، توضيت وصليت وطلعت لدار خالد مسكين ديما بروحه والخميس و الجمعه عند امه ،، مالقيته في داره نزلت تحت ،،وراسي يبي ينفجر وعيوني يوجعن فيا،،، لقيته يتفرج ع التلفزيون ونضال معاه على تليفونه والاء صوت حركتها في المطبخ،، خليتهم ورديت فوق،، خذيت دواي وقعدت ع التلفزيون لين الساعه 1 في الليل ماواحد دورني ولا نضال جا سأل عليا،، قعدت مسلسل في جرة مسلسل وفيلم في جرة فيلم،، دخل نضال قال: جهزيلي الحمام
عمره ما طلب الشي هذا واصلآ طلب عبيط شنو نبي انجهزله يعني نفرشه له بالورد مثلا عرفته يبي سبله عشان يحكي،، صبيت وانا ساكته فتحت الميه الدافيه بعدها قلت خساره فيه ،،فتحت اميه فايره نار،، وحطيتله منشف نضيف وطلعت،،، قعد على تليفونه اشوي ودخل للحمام نبي نسمع صوت عيطه اي شي ،،،لكن ما سمعت شي ،، اشوي وطلع ماكلمني ،،لبس وكد شعره وبخ عطر،، هدؤه هذا مخوفني مش متعوده عليه يسكت،،، جا قرب مني صباني معاه وشالني للحمام،، قلبي وقف عرفته عقاب،،، لقيته فاتح الميه في الباني والدخان يطلع منها،، لفيت عليه ودموعي على طرف عيني قالي
_ ادخلي
لفيت عليه بصدمه
علا صوته: ادخلي قلت
