حب وحرب( في ليبيا يحرم العشق )🇱🇾🔥
البارت 41
بقلم " منى بن محمد الزوي ..
__________________
《تمسكوا بحكاياتكم الجميله ..لا تتخلوا في منتصف الطريق...فليس دائماً القادم أجمل...》
~~~~~~~~~~~~~~~
_ هيا نوضن مزال ما شبعتن نوم...
قالتها عمتي غدير وهيا تفتح في الستاره عشان يدخل ضي الشمس للدار
سحبت رزان البطانيه على وجها: يا ماما خلينا شنو ورانا
_ نوضن هيا جمعه الساعه 12 يا خامرات
حولت البطانيه من وجي وانا نضحك على كلام عمتي غدير يا خامرات...قعمزت ومزلت نعسانه مالقيت رعد يالاي...
_ صباح الخير...عمتي وين رعد
_ صباح القايله...ولدك فد من العياط وانتي راقده
_ ههههه نعسانه والله
_ لا هيا صبن.....رزان يا بنت العازه واللهي انجيك بالسباط
عزقت رزان البطانيه وناضت بسرعه: وااااعع علي خلاص نضت نضت
قعدت نضحك عليها وجريت قبلها للحمام...توضيت وطلعت امصليه الفجر مشيت خذيت رعد من عمتي لقيتها مغيرتله ومبخرته ومرضعته وقاعده تلعب فيه....
مشيت خذيته منها: صباح الخير ماماتي بااح الخير عويناتي حبيبي ياناس وليدي
_ ايوا حبيبك انسود من العياط وانتي غارقه فأحلامك
_ هههههه وربي هي عمايل بنتك...انا قبل انوض قبله وانجهزله كل شي.
رعد يبحت فيا ويضحك يحسابني انلعب فيه وانا انكلم في عمتي غدير....يماما ولدي السمح يضحكلي قعدت اندغدع فيه وانحب فيه بقوه وهوا يضحك جت رزان جايبه سفره الفطور قالت عمتي : علاش الفطور توا خلاص وقت غداء
رزان: اي يا ماما احني ناكلوا الفطور والغدي واحتمال ناكولك حتى انتي
_ هههههههه كان شي انتي كلا انا فرقة وكالي
عمتي: غاليه مسكينه ماضني عندها وكال ريتي خيالها
_ خيالي هذا من الهم ياعمتي
قلتها وانا مقهوره والدمعه بانت في عيوني
عمتي غدير: خلاص يلااا فيكنا من النكد والزعل اليوم نبيك تضحكي بس الزعل لا
_ هههه حاضر
قعمزنا فطرنا انا ورزان وضحكنا وعمتي غدير ماسكه رعد تعلب فيه....
صبينا لمينا البيت والمطبخ ونظفنا الحمامات ...ودخلنا للمطبخ عمتي غدير دايره غداها ومطفيه غليه اذن الظهر ونحن في المطبخ نزل رضا يصبح على امه وطلع للصلاه مع صهيب....
