حب وحرب( في ليبيا يحرم العشق )🇱🇾🔥
البارت 20: كتابة Mona alzwiy ♥️
____________________
طلعت معاه مشينا للمستشفى ،، لقيناها زحمه ،، مافي مكان انقعمز فيه قعدت امصبه يالاه ، لين صبن وليتين،،طبس عليا: امشي قعمزي
• مشيت قعدت ع الكرسي ونضال قعد مصبي ،،،اشوي وجا راجل كبير في العمر مافي كرسي فاضي الا اللي يالاي قعد عليه ،، شفت نضال يحرق ويبرم في مكانه مشا للوليه اللي يالاي معاها بنت صغيره ممكن 10 سنوات قاللها ::معلش يا اختي خلي بنتك بين مرتي وبين الحاج،،، صبيت في مكان البنت ،،قالتلي الوليه وهي مستغربه: زوجك؟!
• _ اها
سكتت لكن باين عليها مستغربه ،،واضح عليا صغيره وهوا شعره فيه شيب ...
قعدنا ممكن ساعه او فوق ونادو على اسمي
دخلت ودخل معاي نضال ،،، سالتني الدكتوره على كم حاجه وسألتني على الدوره لها كم ما جتني قتلها مش عارفه ،،، دارتلي تحليل دم،،قعدنا قريب الساعه اخرى لين طلع التحليل، مشينا خذيناه ودخلنا على الدكتوره ،،، شافت الورقه وضحكت قالتلي : مبروك حامل
من الفرحه عيوني دمعن ،، ونضال فمه يبي ينشرط من الضحك ،،، الدكتوره تنصح فيا واتفهم فيا على نظامي الجديد مع الحمل ،، وانا نضحك ونمسح في دموعي ،،، وقالتلي لازم تمشي لدكتورة نساء تراجعي عندها واتديري سونار ....
طلعنا من الدكتوره الدنيا مش سايعتنا من الفرحه،،، ودموعي ما سيطرت عليهن اول مره نبكي من الفرحه اول مره نعرف ان في بكا حلو بكا فرح ،، شعور مانقدر نوصفه ،،ونضال يمشي ويضحك ماسك يدي ماخلاني ،، خايف عليا من الريح الهابه ،، يسوق ويقولي وين انطير بيك انا توا ،، وين نخفيك عن الناس ،،، وانا نضحك ونلمس في بطني ،،، مستعجله عليها نبيها تكبر نبيه يتحرك نبي انحس بيه ،،
_ بكرا اتنوضي بدري اتديري صوره على بطنك
_ ان شاء الله ،،، نضال انا فرحانه نبي انطير من الفرح
_ الحمدالله غلاي ربي يحفظك ليا
_ نضال شيلني للبحر
_ انتي عارفه الساعه كم توا
_ اي عارفه 12 نبي البحر
_ اي حاظر لخاطر رعد
_ شنوووو رعد
_ اي شنو رايك في الاسم
_ لا نضال مش منجدك شنو رعد شنو المسميات الغريبه هذي رعد وبرق
_ ولدي اني لازم يكون في اسمه هيبه
_ اسمع انقولك من توا را ،، عيل جهاد وكان بنت سيلا
_ نعم نعم اولاً اسم جهاد هذا انسيه ،،، وشني سيلا هادا شنو معناه
_ اممممم مش عارفه تو انشوف النت
_ وانتي اتسمي و خلاص ماعارفه شي
_ خلاص خلي الاسم لوقته ،،،نزلت القزاز في الصقع ريح تهبل،،، وصلنا للبحر نزلت بسرعه
