حب وحرب(في ليبيا يحرم العشق )🇱🇾🔥
البارت 11: mona alzwiy
• وطني ليبيا، سمائك لوحه رسمت فيها أحلامي، وارضك طريق ركضت عليها وراء امالي ،ونسيمك وحده من يشفي الآمي...🥀
قعد معاي في الدار لين المغرب و بعدها طلع ،،جابتلي الاء العشاء في الدار وتعشيت ،،، نرجا في نضال طول ،،، رجيته لين قريب الفجر ما جا ،،،،رقدت.
بعد جا حسيت بحركته في الدار ومش قادره انوض النوم متمكن مني ، شافني ،قرب مني حبني من خدي وقالي: ردي ارقدي تو انجيك
رقدت وجا رقد يالاي ،،،،لين الصبح نضت وما لقيته ،،، صبيت للحمام بصعوبه وكراعي مزال يوجع فيا إثر الحرق ،،توضيت وصليت وماحوتك صارت ،،لميت فراشي ونزلت ،، لقيت عمتي قاعده تفطر ،،ومعاها الاء تقرا ،،،قربت من عمتي حبيت على رأسها
_ صباح الخير
_ عمتي والاء: صباح النور
_ عمتي لطيفه: جيبي طاسه وتعالي افطري معاي.
• مشيت جبت كبايه وجيت فطرت معاها ،، والاء مارفعت راسها من كتاباتها ،،، سألتها : عندك امتحان ؟؟
_ اي خلاص امتحانات final
_ الله يساعدك ان شاء الله
_ امين
_وين سمر مش امبينه
_ مريضه راقده
_ اهاا
شبعت رفعت السفره ،، وجت الاء عطت عمتي ابرة السكر وقاستلها الضغط وردت على كتاباتها،،، غسلت سفرة الفطور وانا مصبيه على كراع واحد ،،
شفت الساعه لقيتها 11 ومزال محد فكر في الغداء، الهم سمر مريضه ،، والاء عندها امتحان من يغدي عمتي ونضال ،، وانا مانعرف انطيب وعيب انخليهم بلا غداء،،، فكرت فكرت ومشيت لعمتي قتلها : عطيني تليفونك انكلم نضال
عطاته ليا طلعت للصاله واتصلت بيه : الو
_ ايوا يام
_ ها ياولدي ههههه
_ اها ولد قلبك ولا
_اها ولد قلبي
_ باهي غلاي شنو تبي لاني مش فاضي
_ نبي غداء من المطعم
_ من عيوني ، شنو انجيبلك
_ جيب للبيت كله مافي حد يدير الغداء، وانا مانعرف
_ كيف مافي حد ؟؟
_ الاء تقرا وسمر مريضه
_ اها خلاص تمام تو انجيب
_ نضااال اسمع قبل ما تصكر
_ غلاي مستعجل واللهي احكي بسرعه
_ ماتقوللهم غاليه قالت جيب من المطعم، ، قول قالتلي جيب لحم عشان اندير الغداء وانت جبت من المطعم بكيفك باهي
_ هههههه باهي حاظر انسه بايره
_ باي
_ سلام
صكرت منه وعطيت عمتي تيليفونها ، بخرت البيت ورقيت لداري ،،سمر مريضه لا دخلت عليها ولا نبي انشوف وجها ،، تستاهل هذا جزات اللي داراته فيا،،،، تفرجت ع التلفزيون مسلسل ورا مسلسل مليت ،، غفيت في مكاني ،،، ومش متغطيه المكيف متوجه عليا ،،راقده ولامه روحي،،، حسيت على يده يسمح على راسي فتح عيوني لقيته قاعد ع الوطا ويشوفلي ،، قعدت قالي : صح النوم
ضحك وقتله : معش اتقولها ليا هذي مانعرف انرد عليها را
_ هههه حاظر ، هي صبي جبتلك الغداء انزلي حطيه .
_ شنو جبت
_ سمك
_ ليش سمك ما نحبه انا
_ ليش ما قلتيلي ،،انا سألتك شنو انجيب ما رديتي
_ اوووف خلاص تو نقلي دحي
_ ديرلي معاك
لفيت عليه : تبي دحي
_ اي زيك
_ ليش جايب سمك بعد ماتبي تاكله
_ نبي زيك
ابتسمتله وقتله : براحتك
نبي انصبي مسكني : وين
_ كيف وين انحط الغداء
_ فوتي بعدين بعدين
_ لا ت.....
• مزال ما كملت كلامي قاطعني و.........
_______________
