حب وحرب( في ليبيا يحرم العشق )
البارت 5 ...كتابة mona alzwiy ❤
امقُت الحرب لأنها تلوث الحياة بدماء الرجال،،ثم لا
تغسلها الا بدموع النساء والأطفال..🇱🇾🤍
طلعت معاه وانا كارهه روحي ،،كارهه الرخص اللي عطاني بيه عمي ،،،ودموعي ما وقفن ،، طلعنا من العماره،، الشمس قويه والجو ساخن ،لبس نظاره شمسية،،والتفت عليا ،خذا شنطتي حطها في الكرسي الخلفي ،،وركب ،، ركبت معاه ،، وقلبي يدق بقوه ،، ويديا يرجفن ،، شغل المكيف ، وطلعنا من المساكن ،،،
التفت عليا، قلبي وقف ،،،رفعت عيني فيه ،،، ابتسملي ابتسامه مش عارفه شنو يعني بيها ،ابتسامه شر على غرور زادت من خوفي منه ،،، طويل وعريض شعره اسود لكن فيه اشوية شعر ابيض ،حتى لحيته كثيفه لكن فيها شعر ابيض خفيف ،، ابيض خشمه واقف ،، هوا حليوه لكن شكله واعر ...
شافني امركزه عليه ،، لفيت وجي للروشن مسحت دموعي واتكيت على الباب ،،،
غرقت في ذكرياتي ،،، تذكرت كل ما مريت بيه ،ودموعي تزيد وتزيد ،، مدلي منديل خذيت منه ،، ووغمضت عيوني...
_ كم عمرك ؟؟
صوته عالي حتى وهوا يتكلم بهدوء ،، حرش غليظ لكن حلو ...
_ 16
معش حد تكلم ،،وقف على مطعم،،، جاب انصاص شورما وعصير غاز واميه ومناديل ،،، حطلي قدامي وحط لروحه،،، ماجتني نيه ،،شربت اميه اشوي وحطيتها ..
: ماتاكلي*؟
_ ماعندي نيه.
:وعلاش ؟؟ وراك طريق طويله ،، لين طرابلس ،، اكلي احسنلك..
التفت عليه : طرابلس؟؟
جاوب وهوا عاقد حواجبه ، ايه .
امبين من لهجته غرباوي ،،، نزلو دموعي ،،انقهرت على حالي ،، ليش ياربي يصير معاي هكي ،، انا وين والغرب وين،،، من بيتقبلني منهم ،،، انا هنا وما خالصه ..
طلعنا من بنغازي ،، وطول الطريق هدوء ،..رقدت
نضت على صوته :انتي يا بنت .
نضت عدلت قعدتي ،، السياره موقفه ،،
_ انزلي .
نزلت ،، بيت كبير على الدور الثاني، حديقه كبيره وحلوه فيها ثلاث سيارات ،، باب اسود كبير ،، دخل هوا ودخل معاه شنطتي ،،، دخلت وراه ،، البيت حلو من جوا بساطه على اناقه ..
اشرلي على دار من جهة اليمين قالي ادخلي،،، فتحتها بهدوء دخلت وطلع هوا،،، شعور الغربه اللي حسيته لحظتها يقتل .. سمعت صوت سلام ،، اشوي ودخل هوا ومعاه بنتين ومرا على كرسي متحرك،،، قعدن مصدومات ...
من الخوف والخجل ،،وقفت ،، المرا اللي ع الكرسي تسأل فيه :: مني هاذي يا ولدي، ،مني اللي جايبهالي في نص الليل ..
