ဗီလိန်မလေးကို အလိုလိုက်ထားမယ် {GL} [Translation]

၂၈။ အခန်း (၁~က) /အခန္း (၁~က)

ဘေးချင်းကပ်အအေးနန်းဆောင်မှ သူမတို့ (၁)

~°~°~°~°~

ရှင်းအာသည် နျင်ကျီချင်ကို ရေခဲဆောင်မှ ကူကယ်ထုတ်လာပြီး ညောင်စောင်းသလွန်ပေါ်ထိုင်စေကာ အပြင်ထွက်ရန်လှည့်လိုက်သည်။အားနည်းနေသေးသောနျင်ကျီချင်သည် သူမ၏ အင်္ကျီလက်ကို ဖွဖွလေးဆွဲပြီး အောင့်အည်းထားသောအသံလေးကို ထိန်းကာပြောလိုက်သည်။ "မိဖုရားလင်း...အာ မဟုတ်သေးဘူး၊ ကွေ့မိဖုရားလင်း ဘယ်သွားမလို့လဲဟင်?"

ဆန္ဒပြင်းပြကာ ပူလောင်နေသာအမျိုးသမီးကို ကြည့်ပြီးရှင်းအာပြောလိုက်သည်။ "ရှင် ဆေးသောက်ရမယ်"

"ကျွန်မ နားလည်ပါပြီ" နျင်ကျီချင်သည် အနည်းငယ်ရှက်မြန်းသွားသည်။သူမကိုကယ်တင်ပေးလာသည့်လူမှာ ကွေ့မိဖုရားလင်းဖြစ်သည်... ဒါ​ကြောင့် ဒီအရာကိုသူမ၏ရှင်သန်ခြင်းနောက်ဆုံးကောက်ရိုးတစ်မျှင်ဟု နားလည်သွားတော့သည်။

ရှင်းအာသည် နျင်ကျီချင်၏လက်ကို စမ်းသပ်ပေးကာ သူမ၏နာကျင်သောမျက်နှာလေးကိုကြည့်ရန် ဆောင့်ကြောင့်ထိုင်လိုက်သည်။သူမမျက်နှာပေါ်က ချွေးစေးများကိုသုတ်ပေးရန် လက်ကိုင်ပုဝါတစ်ခုထုတ်လာပြီး ခပ်ပေါ့ပေါ့မေးလိုက်လေသည်။ "ရေအေးလိုလား၊ ယောက်ျားတစ်ယောက်ပဲယူမလား"

"သေချာပေါက် ရေအေးပေါ့"

နျင်ကျီချင် သရော်ပြုံးပြုံးလိုက်သည်။အမျိုးသမီးကိုယ်သင်းနံ့ယဲ့ယဲ့လေးက အသိစိတ်ကပ်လာစေပြီး တောက်ပလှပသောမျက်နှာလေး သူမဆီ နီးကပ်လာသောအခါ သူမကို ​မှင်သက်သွားစေသည်။သူမနှင့် ကွေ့မိဖုရားလင်းတို့သည် ဤနန်းဆောင်ထဲ အတူတူ ရောက်ရှိခဲ့ကြသည်။အတိတ်ကကွေ့မိဖုရားလင်းနှင့် ဒီနေ့ရဲ့ကွေ့မိဖုရားလင်းက ဘာလို့များ မတူတော့သလိုခံစားနေတာလဲ?

မနေ့က အအေးနန်းဆောင်ဆီအပို့ခံရကာ သူမ ဖယ်ကျဥ်ခံလိုက်ရပြီ။တော်ဝင်မိဖုရားရာထူးကို မဖျက်သိမ်းသော်လည်း သူမ၏ဖြူစင်ရိုးသားမှုများကိုတော့  ဆုံးရှုံးသွားခဲ့ရသည်။သူမ လက်လျော့ပစ်လိုက်တဲ့အချိန်မှာပဲ လင်းရှင်းက ပေါ်လာတယ်၊ အရင်ပညာသင်ဆရာဟောင်းလင်းထျန်ဖု၏ အရည်အချင်းရှိပြီးနူးညံ့သိမ်မွေ့သော ကျောက်စိမ်းလိုသမီးက သူမလိုဒီလိုလူကို ကယ်ထုတ်လာပေးတယ်၊ ဒါ ဒါက... အဲဒါက အအေးနန်းဆောင်မှာ အကြာကြီးစံစားခဲ့ဖူးတဲ့မိဖုရားအတွက် ဖြစ်နိုင်လို့လား?