A Designer's Creation

28. Vengeance

Sobrang bihira akong gumamit ng mga properties ni Daddy. Una, hindi ako yung tipong kapag ginusto ko, naka-ready na agad. Palagi 'yang may approval ng pamilya, iko-consult pa sa mga kapatid, magpapaalam sa kung sino-sino. I know my reason wasn't an emergency for the Echagues, but I was hundred percent sure, they would say no if Tyrone was involved.

I was in the middle of the road, nagpa-drive ako kay Gelson para ihatid ako sa airport at para ibalik niya ang kotse ko sa underground parking lot ng Lion pagkatapos. I called the office of Dad's best friend, hihiramin ko ang private jet ni Daddy and I needed a pilot.

And since hindi ako basta-basta makakahiram ng jet just because I want to, I called Tita Daisy right away to back me up.

"Tita, open ba ang line ni William sa hacienda? Nasa labas daw siya sabi ng assistant sa firm."

"Yes, hija. Why? Ang sabi ni Tyrone, you're back sa office. Good thing naman na nagkakasundo na kayong dalawa ngayon."

My eyes rolled heavenward and peeked at window para malaman kung nasaan na ba kami. Tapos naman na ang rush hour, gumagaan na ang traffic.

"Tita Daisy, hihiramin ko kasi yung jet ni Daddy. I called Tito Juancho's office for the pilot. In case magtanong ang mga kapatid ko kung bakit wala yung jet, tell them na ginamit ko kasi may emergency. Baka kasi hiramin ni Archie bukas. Di ba, may flight daw 'yon pa-Ilocos para sa client niya?"

"Oo, nagpaalam nga kay Tita Dahlia mo 'yon last Saturday. Sabi ni Tita Dada mo, magpa-book na lang itong kuya mo ng business class o kaya private helicopter kasi mahal ang maintenance ng jet. Wala na bang available domestic flights ngayon at nag-aagawan kayo sa eroplano?"

"Nag-check ako ng flights for today, puro afternoon and night ang natitira. Pupunta ako sa main branch ng Lion, may meeting kasi this afternoon. I have to be there after lunch."

"Urgent ba, hija? Gaano katagal ang jet sa Iloilo?"

"Not sure pa sa schedule, Tita. I'll check kung gaano katagal kami sa Lion."

"Alam ba 'to ni Tyrone?"

"Hinahabol ko nga si Ty, Tita. Nagpuntang mag-isa sa main branch, hindi nagsasabi."

"Why? Hindi nagpaalam sa 'yo?"

"May employee kasing dinemote. Hindi yata nagustuhan ng mga boss. Yung employee yung temporary na pumalit sa 'kin habang naka-leave ako. Pa-explain na lang kay Archie, Tita. Nasa appointment yata, di ko matawagan ang phone. Kapag nakita ko ang schedule after ng meeting, I'll call him or I'll call William, ipababalik ko ang jet sa hangar. Magpapa-book na lang ako ng businesss class with Ty if matatagalan kami sa Iloilo."

"Sige, hija. I'll talk to Dada rin kasi for sure, magtatanong 'yon bakit mo ginamit ang jet ni Kuya Ping. Alam mo naman si Tita mo, mag-iingay at mag-iingay 'yon."

Sa lahat talaga ng kapatid ni Daddy, si Tita Dahlia yung hindi ko alam kung bakit ba masyadong pakialamera sa mga naipundar ng ama ko. As if namang may makukuha siya sa mga 'yon.

I instructed Gelson to go to the other way inside the airport kasi sobrang traffic sa domestic road, baka doon pa lang, abutin na kami ng lunch time.

Pagdating sa closed gate na for authorized personnel only, hinarang na agad kami ng guard na may dalang shotgun.

"Excuse ho, ser. Saan ho sila?"

Kinuha ko na agad sa wallet ang passport ko para sa verification. Nagbukas na agad ako ng bintana at sumilip. "Sir, ako yung gagamit ng Hondajet ni Atty. de Chavez."