#كحل_عرب
(الفوضى )
((( بقلم زينب ماجد )))
الحلقة_55
(صراع حمزة ومأمون)
شماته وليل....غربه
وجلمة الياحيف
يلتمن دمع ويطيحن بخدي
واحد كلت تجوه افتر عليه البين
خله الماله بيها ولملم العندي
انهجم بيتج يروحي
اشكد صبر عندي
(عريان السيد خلف )
بطة: فزيت ساعة الأجاني صوت مأمون ، سد الخط بساع .. ظليت صافنة بالتليفون (مأمون شجابه و شنو هو رد عليه ، يم حمزة لو شنو ؟ شعرفه بحمزة )
ظليت ارجف جسمي كام يرعش من فوك ليجوا ، نرجس تبجي ، فتحت الباب و صحت على نوسة ، وسولفتلها كلشي بأختصار وكتلها ( شو رد علي مامون )
نوسة:- هو يعرف بهذا التليفون
- لا ما يعرف ، كل مرة يتصل على الارضي اباب غرفتي بس شلون اتصل هنانه ، معقولة هو يم حمزة وحمزة كاله علينا
- انوب حميزة هاذ منين طلعنا يربي
- ددبريني شلون لا يجي يذبني لى اهلي وابتلي اني واختي
- احجيله الصدك
- غير يذبحني اذا درى اني حاجية ويا زلمة غريب
- هو بكل الاحوال درى و الجذب ينكشف بزلكة السان واذ زلكتي وعرفج جاي اتجذبين شيخلصج ؟ تأذي بالحك ولا تزيدين المصيبة على روحج بالجذب .
جاي يحجن طب مأمون فتح الباب بقوة، نوسة واكفة ، بطة فزت من مكانهت ، حجة : اطلعي نوسه هناك
- بس اصبر خوية اني اعرف بالسالفة خل نفهمك بيها
- اطلعي نوووووسة بسررررررعة
- خوية على بختك بس اصبر
- لا تخلين حسي يطلع جاي اكلج اطلعي .
حجاها وهو يدفعها ، اضطرت تطلع من الغرفة وتوكف ع الباب، اندار مأمون لبطة : لمي هدومج بساع لحظة ما تظلين عدي
- شسويت والله العظيم ما سويت شي
- اششششش ، لمي وبلا صوت لا اذبحج وعلي .
- شبيك مأمون بس اشرحلك
- يم تشرحيلي اطلعي كبل لا ابوي يحس بالموضوع .. امشي
- ما امشي وما اطلع ، اذا ما رايد تفهم الموضوع بكيفك
ضربها راشدي وجر راسها : جاي تتعاندين وياي انت ولج
- الموبايل لوحدة من خواتي ولو ما ماخذته جا هسه كصبهن مؤيد .. وخر ايدك عني
ابتعدت وهي تمسح الدموع من عيونها طلعت التليفون : هاك هذا لا اعرفه ولا اعرف بيه شي .
- وتحجين ويا زلمة ولج من وراي
- الزلمة هذا رايد اختي
- رتدها الموت ولج تحجين ويا زلمه بلايا علمي شنووووو
