#كحل_عرب
(((بقلم زينب ماجد )))
الحلقة_تكميلية
(انتهى)
الم بيه الوجع نيشان ثاير ..
ما يرد ثاره
لـ عريان السيد خلف || 🖤
مروان : حرك السياااااااارة مأمووووون بتي راااااااااح تموووت
وسن : نور .. نور ماما جاوبيني ، بتي راحت من اديييييه يمممممه
دفعها مروان بعصبية وهو يكلها : كله مننننننننج لو مراقبة بتج ما يصير هذا حاااااالها
حجاها وشال بته و هي تركض وراه و مرتضى ومامون يطلعون بالسيارة .. حطوها و للمستشفى ركضوا بيها .. لحكوا عليها وسوولها غسل معدة ... وكف مأمون وهو يسأل الممرض : طمنا كون بيها شي ؟
- لا لا الحمد لله تعدت الخطر وهي بخير ترتاح ساعة واخذوها .
ظل مروان برا يتمحرك عليها ، خابراه مأمون طمنه ، كاله : ما راح اطبن .. خليها ترتاح وجيبها انت ومرتضى ، اني عقلي راح يتخبل .
سد التليفون منه مأمون و مشى الها لكاها متمددة وتبجي حجه : زغيرة عمو انت ، بدال ما تلهين بدراستج بنفسج تسوين هيج امور ؟ انوب تنتحرين بيا مسلسل شايفة هاللقطة عمو وجاية تقلدينها .. عيب اكبري مو زغيرة انت ... ابوج وامج شايلينج بجفوف الراحة شمقصرين وياج وتمشين بهالدرب .. شو اكل ونوم وتليفون وامج شايله شغل البيت وابوج ما بنفسج شي الا واشتراه وسواه .. يستحقون هالمصيبة هاي الجبتيها على روسهم .
ظل يحاجيها .. يكسر ويجبر بالحجي
مرة يرزل ومرة ينصح ويلين وياها ، لحد ما كوماها وطلعاها من المستشفى رداها للبيت ...
انفتح باب البيت طلع مروان وكف اباب الكراج
طبب السيارة مأمون ونزلت نور من السيارة تبجي .. الضوا هستوة طالع .. فجر .
اول ما نزلت تقرب منها مروان وضربها راشدي بقوة ، صوته كلش عالي جان وصرخ بيها : بت الكلب فوك مصيبتج تنتحرين ولجججج منو معلمج على هالسوالف هاي هااااا
وسطرها براشدي ثاني
ركضت وسن ومأمون جروها من عنده وهو يصيح : انعل والديج بت القندرة ، دفن ادفنج طايحة الحظ
دخلتها وسن وهي تطمن عليها وتكللها : امشي ، امشيييي شسويتي بروحج يخايبة .. امشيي .
ومروان يلحكها بعصبية للبيت ويصيح : شمقصر وياج اني وتسويين بيه هيج ولجججج ، هدوم تارس كنتورج فلوس وتليفون واحسن عيشة معيشكم ما كلتي ابوي سمعته ... ما فكرتي بيييييييه طااااايحة الحظ .
بس انت دربج درب امج .. من تبرت من عدنا كلها بس حتى تلف كويظم النذل وتاخذه .. مثثثثثثل امج حقيييييرة .
صاحت وسن : تعيرني بسوايتي .. دشوف روحك وشوف عليمن بتك طالعة .. يحاسبني اعلى غلطة وهو من ساسة لراسه غلط .
