#كحل_عرب
(الفوضى)
((( بقلم زينب ماجد )))
الحلقة_67
(جسر الائمة )
أعاند روحي ما أشتاگ
و آنه الشوگ كاتلني ..
لــِ عريان السيد خلف ||
وسن : شلت صينية الأكل تشريب لحم اصفر حار وبصفه خبزة وطبيت لغرفة عمي و عمتي ، حجيت : علاوي جبتلك اكل تاكل وجهك صاير اصفر .
علي: اييييي جوعان
نوسة : دخيلك ربي كلت هسه ما يشتهي فك حلكه ع الأكل ، هاهيه يمه هاهيه ما بيه شي الولد ما طوله ذب روحه ع الأچل
- مت عينج وانت حاطة عوينتج عليه خايبة ، جيبي الصينينة يمه انا اوكلنه بيدي
نوسة : اي جا هذا المبخت خو ما مثل حظي اركض والعشا خباز و محد بحالي ولا يوم احد وكلاني بيده .
حطوا الأكل كدام علي وهو يضحك ، ويكلها : لا تهذرين هواي ابنج وينه والله مشتاقله
نوسة : يا كضى من البواجي عليك وعلي ، تلكاك اول ما جيت بس غير انت مو بحال وليدي ، سجوووووودي ، وينك يمه تعال لخالك .
سرحان : اكل بوية وضب افادك بعد ابوك يلا اريدنك تشد حيلك .. الحيمة هاي تبني عظم اكل ..
وسن واكفة اتتبسم واني اباوعلهم ، طب مروان تمدد على الجرباية بكل حيله ، صاح علي : اااااخ
سرحان : لجمته عوينة ابيك
مروان : عرج ما يطكه لا تسب روحك بويه ما يستاهل .
علي: لا وجعتني والقرأن
- يطبك وجع ، بالله شو هاي اللحماي خل اضوكها طيبة
سرحان : هد الولد شمالكم عليه ، يرتاح لو تنصبون عليه .
هدية : خله ويا اخوته يتلهه وينسى الصار هده .
سرحان: جا مو هجي بعده جرحه اخضر .
وسن ، ظليت كاعد على لمتهم ومروان ياكل ويا علي .. دك تليفونه ، باوع عليه ، رفع حاجبه وبعدين عقدهن .. اراقب ملامحه .. باوع على لمتنه ، لكاني اباوعله ، حطه صامت وخلاه بجيبه .
كمت من المكان بسرعة وصعدت لغرفتي فوك ، لكيت نور مطشرة العابها مسويتها هوسة ، دنكت المهن بالسلة وفتحت احطهن بالكنتور، دخل هو للغرفة مع العلم من يوم الرديت لهنا هو ما داخل الغرفة كله ينام جوا .
ظليت اباوعله، حجه : نحجي ؟
- ابيش
- كعدي
قفلت الكنتور وكعدت يمه ع الجرباية ، حجه : علي اخوي رجع بخير وسلامه، والحمد لله امورنا انصلحت .. ظلينا بس اني وياج مركبنا واكف ، لا احنا راسين على برا ولا احنا مبحرين .
سكتت ما حجيت ، رد : راح تظلين ساكته .
- شحجي ، اكلك اي نرد .. ووضعك
