#كحل_عرب
(احضان باردة)
((( بقلم زينب ماجد )))
الحلقة_٢٥
(انتكاسة كواغد)
واحنه شَما زِرعنه الزين على الموزين
نِتحاسب
- عريان السيد خلف ||
وسن : باوعت لمأمون لما كلالي اصعدي بسيارة مروان .. جان متضايق .. وكفت محتارة شسوي جهالي صعدوا بسيارته .. واني ظليت اباوع لسيارة عمي .
شافني مروان سكت وحاجه نوسة : جا شني مامون ما يروح
- لا كال روحو اني راح اظلن يريد يصعد لبيته
- ها
تقربت لنوسة كلت الها : اني راح اروحن بتكسي للبيت مناك امي وحدها ، اخذي الجهال وياج وبالليل خلي علي مأمون ياهو الموجود يجيبلياهم
نوسة : يا عليمن دصعدي
- لا خل اروح
مروان : يلا صعدي
حجاها واندار للسيارة يركب ، كتلها : روحو
صعد بالسيارة وباوعلي : اصعدي اوصلج للبيت
- لا مشكور اني اخذ تكسي واروحن
- اكلجن انت مستهترات لو اني مخي متعقد هاليام شو ياهي الالزمها تصيح اروح تكسي بنات الاوادم عاجبجن تصجيم ابو التكسي
ضحكت نوسة : جا التصعد تكسي يصجمونها
- لا يصلي وياها الغفيلة ، بنية وكاعدة وحدها شلون ما يصجمها الف شيطان يوزه حتى لو لنظرة
نوسة :- يا جا خل اروحن تكسي عليك العباس اريد احس بروحي مرة ويصجمونها
مروان : ليش ما تظلين واصجمج اني ؟
نوسة : صدك !!!!؟ اي بعد اختك .. ديلا
مروان : دصعدي بسمرتي لخاطر الله دصعدييييي .. خل اصجم المرة منتظرة يلا .
نوسة : ديلا ولج فضينا ، خل يصجممممممني .
ابتسمت وصعدت ليورا ، ومروان حرك السيارة ، ظل يباوعلي من المرايا وسكتنا كلنا ، ندسته نوسة : هااااا شو عيونك تعلكن ونسيتني ديلااااا
- ها اي مو نسيت شبيج اوكفي .. شو بلا باعي
دارتله وجهه وتحول بعيونها وتغمز بحواجبها : ولج نوسة شو انت الجاي تصجميني ، سوي روحج مستحية يحظي حتى سوالف الأنوثه اعلمجياها
- ها صدك اي لازم استحي
دنكت وتميل براسها عود مستحية كل احنا ضحكنا بالسيارة حجه هو : لك شنو هالخشم هااااذ ، مو خشم طركاعة
- طركاعة اللفتك كون جا انت عفت وجهي كله جلبت بخشمي هاي معاير مو تصجيم لا والحظ اي والله
- مو مبين بوجهج كلش
- يعاب حالك ، ما اريدن حتى تصجيمتك متنازلة عنها .
