#كحل_عرب
(احضان باردة )
((( بقلم زينب ماجد )))
الحلقة_٢٢
( ثار دفين )
بإيديك
اجرح جروحك لو ردت تجرح
...بإيديك
و لا بدين الغير .. جرح الغير ماينصح
لــِ عريان السيد خلف ||🖤
مروة : جهاز اختبار حمل
مأمون : يعني شنو ؟
- مأمون اني حامل
- لا هالشي مستحيل ما ممكن يصير
- مأمون اني حامل وحتى بالشهر الرابع يعني حتى ما اكدر اسوي اسقاط او هالامور ابد ، كولي شلون اني دا اموت .
- الصار بيناتنا ما ممكن يسبب حمل انت جاية تتبلين عليه لو شنو هالشي مستحيل
- والمستحيل صار
- صار يخصج ما يخصني
- اني تورطت وياك ليش اتحمل الذنب وحدي ، مامون اني عندي اهل وعمام لو عرفوا والله يذبحوني .
تنهدت واني اباوعلها انداريت منها افرك بوجهي : مستحيل .. واذا صحيح تنزلينننننننه
- دا اكولك اني بالشهر الرابع ، مينزل
- تريدين تقنعيني صالج اربعة اشهر ما تفقدتي روحج وحسيتي هسه جاية تكولين ، انت رايدة تبليني ، اسمعي ينزل يعني ينزل لا مستعد اخلف منج ولا اخلف ابن حرام ، الصار صار بلحظة طيش ومكر منج انت الذبيتي روحج وجيتيني فانت التتحملينة تشوفيلج صرفة وتتصرفين
عفتها ومشيت كضت بيظي وكامت تبجي : مأمون ابوس ايدك ادري غلطت استر عليه الله يخليك والله يكتلوني .
جريت ايدي منها وصعدت بسيارتي ما مصدك الجاي تكوله ، بس مستحيل تجذب بهيج موضوع .. اخ ربي شسويت بنفسي اخ .
رجعت للفاتحة راسي مندار كوة اشوف دربي ، كضاني علي اخوي : بيك شي خوية
- لا بس تعبت شوية السكر ارتفع عندي اعتقد .
- اكعد ارتاح ، خل اجيبلك مي .
كعدت واني اتنهد شافني مروان ، ركض واجاني : ها ابو الاكبر خيرك ؟
- ما ادري ما ادري
- اكو شي
- خابرتني مروة
- اي
- حامل بالشهر الرابع ، راح اتسودن
- سوالفها قديمة هاي مكتشفة روحها من زمان وهسه يلا كالتلك حتى لا تكللها نزلي وتتورط بيها .
- وشلون هسه كلي ..
-متأكد حامل
- اطتني جهاز هيج زغير ما ادري شبيه ما اعرف وتكلي حامل وتبجي وتتوسل ما اعوفها .
