#كحل_عرب
(احضان باردة )
((( بقلم زينب ماجد )))
الحلقة_٦
( هدت ال ثجيل )
واحنا ماطافين
نتبسم غصب
بس الوجع بالروح
لــِ عريان السيد خلف ||🖤
ركض علي حط مأمون على اجتافه وسرحان كام يدك على راسه ويصيح : ولكم بوية وليدي راح امن ادي بووووويه .
فزت كواغد لبست عبايتها وصعدت ويا علي وسرحان وطلعوا بيه لمستشفى الجوادر ..
نرجس تبجي : اريدددددد بابا ، اريد بابا راح يمووووت
نانة ؛ شلتها وصعدت فوك حضنتها وابجي واهدي بيها ، دزيت الها حلويات سكتت، ظلت تسالني : نانة بابا هم راح يروح وبعد ميجي مثل بابا ؟
- لا اسم الله حبيبتي هسه يروح بس يضرب ابرة ويرجع
- اخاف يموت ويصير بالسما مثل ماما
- لا تكولين هيج ، ادعيله انت مو تحبين رب العةلمين ، ادعي وكوليله رجع بابا .
رفعت اديها وتدعي الله بكل براءة ، ظلت دموعي تجري عليها ، حظنتها حيل بحضني واني احاول اهديها .
طببوا مامون للطواري ..
خذوه وصحوه .. قاسله الضغط .. زين
قاس السكر .. مرتفع حيل ... سأله عن الاعراض
كاله ما ادري تجيني حالات تغوش عيوني بس ما اطيح بس هالمرة طحت .
سأله الدكتور : تعطش واتجوع هواي ؟
- اي
- ادرارك شلونه ؟
- صرلي فترة متخربط عندي الوضع
- وزنك
حجه سرحان : رايح نصه يا دكتور وعلي ما جان هجي جان اثنين من هسه بس هدم حيله هالولد
- ع الاغلب عنده داء السكري
سرحان : بوووووية وينه وين السكري بعده بعز شبابه دكتور
- الاعراض دا تشير الى انو عنده مرض السكري.
....
الاء: الكل بالحوش منتظرين خبر من مأمون طاح ، واني منتظرة خبر من جهالي .. هدوة كالتلي عمهم راح يجيبهم وكلبي مفرفح على شوفتهم .
صفت سيارة فزيت عسبالي اجو جهالي ، طلعت للباب ، لكيته مروان نزل وهو مرتاح ويغني ويفر بسويجه وطب للبيت : تظل عايش بدلالي وين تروح يالغالي ، لك انت الكبد ماااااااالي
وحمس ابن نوسة على علباته
سجاد : شنييييية خالووووو
هدوة : يا من دهر الدهرك كون خايب اخيك طايح وانت تتمندل فوك روسنا دلحك شوفهم وين
مروان : ياهو الطاح ؟
- مامون
- عود صدك ، شبيه
حجاها ومد ايده لتليفونه ويسأل : شبيه شبيه بس كليلي
