#كحل_عرب
(الفوضى )
((( بقلم زينب ماجد )))
الحلقة_56
(وفاءا للوعد )
ابتسملي الدنيا تحله
واحس كل الناس يحبيّب حبايب
لـ عريان سيد خلف||
سحبني من ادي : حمزة شجابك
- مشتاقلج والله
- وخر لا يجي احد
- محد يجي تعاي
لاف ايد وحدة ، وبالايد الثاني يجر بيه ، سحبني اله و هو يقرب وجهه الي ويبوس بشفتي ، مدري شحسيت من تقرب مني هشكل ، بس ضجت حيل وتضايقت .. كلش ما متعودة على هيجي وشخص يبوسني ولحيته بوجهي ، كمت ابعد بيه واوخر ، وشما ابعد يمتمادى اكثر .
حاصرني بصدره ويا الحايط افلت ايدي منا وابعد بيه ويرجع يكضني ، بعدت وجهي ، ظل يبوس بركبتي ضجت حيل ردت ابجي ، واني اكله : وخرررر
من حس اني كلش تضايقت .. ابتعد مني وهو يتنفس بقوة ، سحبت روحي : خل اطلع
- تعاااي
- لا ما اريد ، اروح اكعد يم امي
- ما اذيج والله بس لإن مشتاقلج ما كدرت اكض روحي
درت منه ما رديت واني افرك بوجهي وبركبتي ، كض ايدي وجراني : شبيج شني زعلتي
- لا ما احبن هيجي
- ميخالف اسف وعلي ما دريت بروحي ، بس ظلي شوية مشتاقلج شبيج
- لا احد يحس وابوية وامي هنا ما اكدر
- اني كلت الكوثر توكف تراقب وما تخلي احد يفوت
- حتى لو ، لازم اروح
- شبيج يعني ما مشتاقتلي ، بالجذب الحمد لله على السلامة ما كتيلي
- الله يسلمك
- الله يسلمك شنو ، ولج هاي اني اكولها مو انت خرب بعرضج ههههههه.
- مدري دخت ، خليني اروح
- اي اخليج بس صبري شوية اشبع منج ، وعلي مشتاكلج .
- شلون تصوبت
- جنت طالع بشغلة وصار حادث و الحمد لله عدت
- ومأمون
- يا مأمون
- رجل اختي التعاركت وياه البارحة
- خرب بشرفه ردت اكضه املص ركبته وعلي
- انت كله عندك كتل وملص وذبح ترا والله هيجي مو حلو
- دعوفي هالسوالف واحجيلي .. مشتاقتلي ؟
- اي
- وشلون راح اصبر هاي المدة وما اشوفج
- شمدريني ، بس الموبايل خذوه وهمزين مؤيد ما شافه جا فطسني ولو هو شبعني كتل بليلتها
