#كحل_عرب
((( بقلم زينب ماجد )))
الحلقة تكميلية
( ابتزاز)
سكته سكته، والصبر بعده صبر
وذاك انه ثياب الوكت ما بدلتني
لـ عريان السيد خلف ||
نور : استمرت علاقتي بالشاب يزن جان من محافظة معينة مو من بغداد .. خلص عيد الأضحى .. ومن بعدها بأيام رجعت اداوم مرحلة ثانية كلية اداب انكليزي .
شهرين ويوم عن يوم تزيد علاقتي بيزن
كلش حبيته وتعلقت بيه جان يدزلي صوره ومقاطع فيديو اله حيل حيل حلو .. فد شاب طويل اسمراني مرتب بشكل وكل صوره ع الانستكرام تكتل .
وهذا الشي خلاني اتعلق بيه اكثر
صح هواية زملاء بالكلية بس مو مثله ومثل جماله وطريقة كلامه ، ما ادري حيل حيل تعلقت بيه ، كل مواصفات فارس احلامي بيه .. عيبة بس ما عنده شغل ، وشفت هالموضوع مو مهم .
بس اكو شغلة ابد ابد ولا فد يوم فاتح فيديو او متخابرين فيديو ، هو يكلي اني مثل ما ماارضاها على امي او اختي ما ارضاها عليج لإن انت عرضي ..
ولا اني ارضى افتح فيديو اساسا .. وهلشي خلاني احبه بالازيد و اثق بيه .
بس بمرور الأيام شفت الموضوع خارج عن حده
لإن جان يحجيلي شلون هو بدل ويريد يطلع .. فكتله افتح كاميرا بس انت واني اسدها من يمي .. شو هذا انكلب فد مرة
شلون اطلبين هيج
وما اقبل هيج اطلبين والبنية الشريفة ما ترضى تفتح كاميرا ويا شاب واني احسبج وحدة من عرضي وما اقبلها عليج
كتله :ما اطلع اني بس انت
ظل يصيح يكلي: حتى لو بس اني .. ما ارضى عيب
حسيت الموضوع كلش زايد عن حده
واذا فتح وشوفني نفسه بلا ما افتح كامرتي ..
بعد ما كعدت وصفنت ويا نفسي ..
شفت انو هو يدزلي فيدوهات عنه عادي
وصور .. بس ليش ما يفتح كاميرا مباشر ويتضايق كل ما كتله افتح كاميرا واني احط ايدي ..
هو منو المفروض يستحي اني لو هو ؟
صارلنا شهرين ما يوم كالي خلي نلتقي او نتشاوف
وحتى لو اني كلت اله .. يكلي الكروة من بيتي لبغداد بذاك الحساب واني ما عندي ولازم من اشوفج اجيبلج شي والصراحة ما اكدر فما اريد اتفشل .. شكد اكله ما اريد هدية .. بس تعال خل اشوفك .. ميقبل
وصلت حتى كتله الكروة اني انطيك
بس اريده يجي واشوفه ليش يرفض اشوفه مباشر ليش احسه يتحسس من ينذكر طاري مقابلة او كاميرا مفتوحة.
لحد ما فد يوم واني كاعد اتصفح بالانستكرام
واشوف بيج مسوي إعلان لحساب واحد حاط صورة يزن .
دخلت لحساب الماخذ الصورة وراسلته دايركت كتبتله ( العفو ليش حاط هاي الصورة ؟ ) ماكو دقايق والولد رد:
: ليش شنو الأشكال
- مو حلو تحط صورة مو الك ، الواحد لازم يفرض شخصيته مو يتكشخ بصورة غيره عيب
