#كحل_عرب
(الفوضى)
((( بقلم زينب ماجد )))
الحلقة_73
( هنالك شيء مريب )
مأمون : الو
مروة : هلو مأمون شلونك
- هلو مروة ، كولي شنو الشي الضروري
- نكدر نطلع ونحجي شوية .
باوعت واكفة بالباب منتظرة اكللها اي حتى تجي تصعد بالسيارة، حجيت : لا والله العائلة مسوين عشا ومنتظريني كولي .
- مو السالفة طويلة
- اي دختصريها وكليلي
- ما تختصر ، واني رايدة اسولفها الك حتى تلكيلي حل
- والله العائلة منتظريني .. اسف غير وكت ان شاءالله .
- نلتقي باجر ؟
- شنو التريدينه مروة احجيلي
- رايدة اكعد وياك ونحجي
- الله كريم باجر العصر يصير خير .
بطة : كعدت على اعصابي منتظرته يطب للبيت ، والف فكرة وفكرة براسي واني احجي بيني وبين نفسي ( معقولة مأمون يسويها ويخوني؟) والله لو سواها ما اكعدله دقيقة وحدة هنا .
بجت نرجس ما اهتميتلها ، كامت تصرخ اني كاضة الريموت ومكابله التلفزيون وحادة وجهي واهز برجلي ومنتظرته يطب .
فتح الباب و حجه : هاي شكو بابا ليش تبجين ، بطة ما جاي تشوفين بتج تبجي
انداريتله : ويا منو جنت تحجي ؟
- ولا احد شبيج هكو شي
- اطيني التليفون
- هاااه هيج صارت
- اي اطيني
- شيلي بتج واعقلي
- ياهو الكايلك اريد اعقل ؟ اطيني التليفون مأمون
ظل واكف صافن بيه ، وكفتله امد ايدي، سحب التليفون من جيبه وخلاه بيدي ، ودنك لنرجس يشيلها : لا باباتي لا لتبجين .
رحت للأتصالات .. لكيته اخر اتصال مروة
ها يعني ما خايف تطيني التليفون وانت تعرف بنفسك مخابرها
- ترى جزعتيني بالقرأن تعرفيني ما عدي شي وياها
- ومن ما عدك شي شعدك ترد
احجي واكلب بالتليفون وادور بالرسائل، حجه هو ( دزتلي رسالة اريد احجي وياك بشغلة ضرورية كلت خاف البنية عدها شي خل اشوف)
- اي وشطلع
-ما ادري كتلها العائلة منتظرتني اختصري اتكلي اريد نكعد ونسولف ، صرفتها وطبيت للبيت
- كول والله
- بطة كافي
- مأمون هاي البنية راح تخبلني حاطتك بمخها ورايدتك
