#كحل_عرب
(احضان باردة)
((( بقلم زينب ماجد )))
الحلقة_١٥
( امتحان حب )
يا صفحة غزل
يا حيرتي مِن اقراك
و ألگة آخر سطر
مِن عشرتك محذوف
لــِ عريان السيد خلف ||
الاء : حسيت عليه واني نايمة ، يسحب ايده من جوا راسي ، انداريت للجهة الثانية بسرعة .
فرش للجهال بالكاع ونزلهم من الجرباية نومهم بفراشاتهم ، وطلع ، غفيت .. بس نايمة وبالي يمه ، مدري ليش بكلبي خوفة ، يطلع ، بس النعاس مثكلني بفراشي .
طب شلت راسي : وين رحت ؟
- صليت الفجر ، ما تصلين ؟
- الصبح عود .
رجعت راسي للفراش .. رش عطر وطفى كلوب الصفر واتأكد من الجهال نايمين و غطاهم زين ، واجا فتح الفراش وسحبني اله وفل شعري .
ظل يمشي ايده على جسمي ، ويشتم بيه ..ويهمس : نعسانة .
- ممممم
- مشتاقلج
كام يحجي ويبوسني بخفة على ركبتي ويبعد بشعري .. سحبني من نومي وخلاني بين اديه تايهة ... لحد ما تم زواجنا بخير .
كام من عندي .. اخذ ملابسه وكال : للحمام يلا كافي كسل .. كومي .
- خليني نايمة
- اسبحي ورجعي نامي عمري
- ما اريد الجو بيه كرصة برودة
- عود ارجعي ادفي بفراشج .. يلا .
- علااااء .
حجيت وانداريت من عنده للجهة الثانية ، دنك عليه سحبني اني والغطا وشالني ، صرخت : علااااااء رتح اوكع .
- اششششش شهرتينا خرب انه الجهال راح يكعدون ..
- نزلنييي
حطني بالكاع واني الف روحي بالديباج : اي دروح
- رايد اسبحج
- هسه !!؟ والله نعسانة عود بعدين .
- دمشي جاي اكلج
سحبني واللحاف مجلبه بيه لحد ما وصلني باب الحمام جراه مني ودخلني سبحنا اني وياه ..
طلعت النوم طاير مني .. صحيت
دخلت الغرفة شغلت الضوا الصفر .. جهالي نايمين .. بدلت ، فات هو و الخاولي على جسمه : طلعيلي ملابس
مشيت للكنتور .. دا اطلعله هدوم مد ايده على خصري ، همست : كاااافي
- ما رايد شي والله بس احضنج
ضحكت وطلعتله ملابس وهو حاضني .. وكف يبدل .. واني امشط بشعري ونحجي بسكوت الى ان علو كام يتمرغل بفراشه ، كتله : اطلع راح يكعد
- تتريكين
- اي
طلع واني لميت شعري ورشيت عطر وطلعت وراه ، كال : صلي ترا الشمس طلعت ، انت ما تصلين
