رغم كل ماكان وكل ما سيكون تستمر الحياة..
كان شي لم يكن..!
لكن تبقى في القلب غصه..
لا تستطيع تجاوزها مهما دار عليها الزمن..
ومضت عليها الآيام...!
مشهد
گاعده وصافنه جوه المطر واباوع ع طلاب كل واحد لازم شمسيته يحتمي بيها من المطر واني ايدي على راسي ودمعتي بعيني اخ اتمنى مثلهم عندي شمسيه لو عندي ام تكعدلي مثل الطلاب او احس بمعنى الاهتمام اوف رجعت من صفنتي للواقع لازم ارجع بسرعة اصيح وحده من اخواتي لاجتماع لامهات لان اكيد امي كالعاده معليها او بالأحرى تخاف تجي ويايه رحت ركض واحس الجوع ثقب معدتي منتظره وحده من صديقاتي تنطيني من لفاتها لو تشتريلي شي او ادور ع شبابيك المدرسة اليعوفو الطلاب اكله وراهم واسد جوعي..
_______________________________________
مشهد 2
:: : فتحت عيوني احس جزء من راسي طاير من الألم
افتح عيوني واسدهن اريد اركز اني وين؟ وين جنت مااتذكر اي شي فقدت الوعي من قوة الضربة.. استعاديتي ذاكرتي وشلون اضرب بي ضخم وبسرعه سيطر عليه ومكدرت اخلص نفسي منه استسلمت ونزلت دموعي مثل الجمر على خدي اذاني تون ونفسي متقطع بلاعيمي تجرحني من ابلع ريقي مر علقم...
جمعت قوتي وكوه فتحت عيني بألم غواش وكوه اباوع اديه مربوطه فوك راسي ومعلكه بسمار حلكي مشدود بوصله واحس طعم الدم داخل حلكي عيوني مغوشه وماكو صوت غير بس صوت كلبي اسمعه الياريت يوكف ويخلصني من العار والمصيبه والوكعت فوك راسي حلكي يابس شفايفي متفطره من العطش
باوعت ع نفسي مجرده من الملابس عاريه تماما بجيت على نفسي يعني الكلاب مجرديني من ملابسي واني مغمى عليه والله العالم شسوو بيه
لو صوروني غرفة ظلمة فارغه بيها فتحه زغيرة يدخل منها الضوه ومسدوده بشي مشبك حديد يعني لو اصرخ لثاني يوم محد يسمعني مااعرف شكد مر عليه وقت واني هنا بجيت بحركة شلون ياربي منو راح يصدكني ومنو يحميني من ابويه وبسام وعمامي ذئاب عايشين ع الدم وشي اكيد راح انقتل بحجة العادات والتقاليد هاهيه انتهت حياتي دعيت على روحي بحركة كلب ربي اخذ امانتك ربي خلصني شعندي عايشة بعد؟ حتى أغلى شي عندي اخذو مامكتوبلي بهاي الحياة غير الذل فرحتي دوم متكمل
صلاتي التزامي ومااخلي احد يشوف شي من عندي من زغري وتاليها نايمة عاريه كدام الزلم؟؟ عفتي وشرفي كله ضاع بثواني انتقام وحقد البشر ضيع شرفي وبعد مالي عيشة بهل حياة احس شي ينزل عليه حار مادري اتدررت لو غير شي رجليه يوجعني شكد مفتحهن بكل قوته اتحرك اعضامي مكسره و توجعني من الضرب
رجعت اغمى عليه سمعت صوت فتح القفل مال الباب مكدرت ارفع راسي بقيت مغمضه
ذب عليه مي بارد ثلج وبروده الجو واني بلا ملابس فززني فزيت حيل باوعت بنص عين مغمضه شفته واكف كبالي
مبتسم ابتسامة خبيثه
جمعت قوتي وحجيت الخيط شانط حلكي وكوه يطلع الكلام
: : تفو عليك يا عار لك شمسويه ليش هيج سويت بيه عوفني الله يخليك والله مااجيب طاريك بس عوفني احجي وابجي واشهك دموعي جمر حفرت خدي وكلبي تسارعت دكاته
وهو كبالي جاي يكمل فعلته يبتسم وينزع بملابسه ويمشي اتجاهي ديتقرب مره للخ ....
أنت تقرأ
لم يكن ذنبي
Romanceاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
