لم يكن ذنبي

البارت الرابع والعشرون

البارت الرابع والعشرون

لم يكن ذنبي

للكاتبة حوراء الموسوي

مساءكم عافية 🌷 (ملاحظه هاي المرة الثالثه داكتب البارت وينحذف خلل بلواتباد مااعرف شنو السبب
وبلنسبة لتأخر نزول البارت صدكوني مريضة افلاونزا قوية ومهان عليه ماانزل الكم 😫)

يم ناسي وتضل بخير
ما اضنها !!

انـه عافيتي و اعرفها
مثل زيادة الميزان لازم ينوخذ منها

مابينه جرح ينشاف

بس الـ آخ توجعنـة 💔

حنين : تشاهدت وقربت الكلاص من حلكي شربت اول رشفه ركضت هيام عليه ضربت وتكسر وفاتحه عيونها مصدومه من المنظر مالتي! شعري المكفش وأثار الضرب بوجهي وبركبتي لان الحقراء كل ماادافع عن نفسي واتفل على واحد منهم يشبعني ضرب اخ ربي والله مكسوره كسره ما من وراها كومه بعد.. شتسوي بينا بعد شنو المصار بينه كلهن مرن علينه فقر جوع ذل بوك حرام استغلال مرار وضيم محد يحمله والمصايب تتوالى على روسنه هزتني هيام من متوني

هيام : شجاي تسوين حنين فهميني شبيج شكو ولج احجي شنو هذا حالج

تهز بيه وتسأل اني بس اباوع عليها ودموعي تصب شأحجيلها شكلها؟ أكلها الدنيا لحكتني حتى على جسدي؟ شرفي سلبو وراح وماكو بعد شي يشفعلي كدام هذا العالم القذر هسه عرفت ليش نور تركت الحياة لان تعرف ورانه بلاوي وراح ننداس اكثر واكثر واني راح امشي على خطاها وغصبا عليه لازم اطلع من هاي الدنيا اول وتالي راح يعرفون وانذبح بشهيرة بحجة العادات والتقاليد ومنو يخلصني؟ وكرم شي اكيد بعد ميريدني لان هو بدون كلشي تلعب نفسه من النسوان اني الوحيده التقبلني بحياته المن ابقى؟ منو يدافعلي ويتكفلني ويسندني ام؟. اب؟؟ اخت اخو؟؟ عم خال؟ ماكو ولا واحد حالي حال المكطوع من شجرة و هو هذا الخله مهند يسلبني كلشي بدون حتى ميحسب حساب انو اكو من راح ياخذلي حقي منه.. هاهيه احسن شي الموت كلهن يهونن الها هاي مراح اتهَون راح تبقى طمغه بيه لنهاية عمري واخلص من عمري المشفت منه غير الآهات والمرار هذا احسن حل السم بده يمشي بجسمي لان شربت شربه قويه قبل لا هيام تكسر الكلاص بدت عيوني تغوش هيام تعيط

هيام :ولج حنين شبيج ولج تردين تفجعينه بعده جرج نور مطاب بعده صوابها حار ولج شبيج احجي منو كاتلج اروحلهن هسه انعل شيب الخلفوهن احجي حبيبتي شكو

حنين : هيام تحجي واني بطني كطعتني تملخ بيه بدا عندي مغص قوي كلش وبدت روحي تلعب الرؤية صارت ضبابيه وبدت تختفي بشكل تدريجي نفسي صعب أجره كلبي يدك قوي بشكل مسموع معلن دقات موتي اخذت اخر نفس بصعوبه نعدمت عندي الرؤيا واسمع صدى ومااميز فقدت التركيز احس روحي بدت تطلع وتنسلب وهذا كله لم يكن ذنبي