البارت السابع

788 82 6
                                    

#عريان يگول

﴿‏ شمحصلين من #اليوم حتى نفكر لباچر ﴾

💔

عبد الرحمن : خلصت ليلة العرس وطلعت بره يم جماعتي ونوعا ما عندي نوع من الرضا والقبول لان هاي مبينه على كد ايدي بزمخه مني تتخربط ومأمن ماعدها مكان تروح بي مو مثل تحرير هاي فرق عن ذيج واباوع لأمي تحوس احسها ممرتاحه واعرف السبب لأن سهاد حلوه ههه امي تغار اعرفها وان شاء الله تكعد عاقله ومتسويلي مشاكل...

سهاد : ثاني يوم العرس بدت العالم تجي تبارك والأقرباء لحد يوم السبعة والعالم بعدها تجي لان معارفهم هواي واني طبعا الحد الان مااعرف شلون اتعامل مخلصتها بالغرفه ويه الوحش الكاسر وشيكلي اركض اسوي بدون نقاش اخواته شي قليل احتك بيهن وهنه متجنبيني مااعرف شنو السبب وبعدين عرفت كلشي وكلشي توضح بس بوقتها فات الأوان ولازم اضحي بعد السبعة طلع عبد الرحمن الشغلة اني نايمه هو طبعه ميريد ريوك يكول احب اكل بره متعود وتكسر الباب تكسر انوب فتحته ودخلت وبصوت يشبه صريخ صاحت
زهرة : كومي عيني لو على رجليج نقش الحنة مستغله وجود عبد الرحمن واحنا ناس منريد طلايب ويا ساكتين استغليتي الوضع واكل ونوم خلصتيها اني هذا كله بس صافنه عليها جان تعيط كومي شمنتظره كمت كدامها كالت تعالي بالبداية للحمام دخلت لكيت ملابس بناتها وملابس الكل كومه صايرات ومخليه طشت جان تكول
زهرة: يله اريد ذني يلمعن رايحه لسوك وارجع واذا تأخرت اريد البيت يلمع هزيت راسي موافقه طلعت من الحمام واني رحت وراها اسألها وين اشر من اكمل دخلت لغرفة شيخ عبد الله بدون ماادك الباب لكيتها تاخذ من جيوبه بدون مايدري وتضم بصدرها بسرعه فزت من شافتني
زهرة: خير شكو عابت هل خلقه غير تدكين الباب
سهاد : اسفه بس متعوده بيتنا مندك الباب
زهرة: شنو عيني يابيت بله بابا اصحي انتي عد عيال النظام اختلف و شنو انتي معتبره روحج جنتي كاعدة بيت كولي زريبه مال حيوانات
سهاد : سألتها عمه وين أشر الملابس من اكمل اني احين حتى اسالج
زهرة : شريهن ع الحبل بلسطح وين تشريهن قابل على راسي وعافتني وأخذت علاكتها البلاستك وطلعت لسوك رجعت اغسل بلملابس وافرك ولكيت حتى ملابس داخليه كلها دم لعبت نفسي يربي شنو هاي زين ميكدرن يغسلن عاد بس ملابسهن الداخليه..
واني اغسل مستمره كملت صعدت شريتهن ونزلت انوب رحت نظفت البيت اباوع امال وابتهال يتحظرن يردن يرحن للمدارس إبتهال بعمري اخخ منج يا دنيا اني اهلي شمروني ومحد اعترف بيه وأمي ضامه راسها اتمنى اعرف اني بتهم لو لا؟؟ لان ممعقوله اكو هيج اهل رجعت من صفنتي ساميه زغيره تلعب يمي كملت تنظيف ورحت سبحت اجتي عمتي من السوك ركضت اخذت منها العلاكه ضحكت بوجهي طبعا عمتي من النوع تحب تسلط وتحب هي الكل بالكل ومااكول فدنوب مو زينه كبداية بس بعدين خرب كلشي سبحان مغير الاحوال.. وكفت اعزل بلمسواك فجأه شفت دمع بلكاع كمت ابجي ورحت الها ركض
سهاد : عمه عمه شوفي هذا الدم اليوكع من عندي وابجي خربانه بجي
زهرة : صفنت عليها معقوله هاي توها تجيها الشهريه يعني امها انطتها وهي مبالغه لكبر الهيج امهات عطت بيها لج شنو انتي اول مره يطلع منج هيج شو احسج متفاجأه
سهاد : اي والله اول مره يطلع مني هيج وابجي
زهرة : يبو لا تبجين كل بنيه تجيها شنو إنتي وحد روحي رتبي نفسج وخلال هاي الايام لازم رجال ميوصلج فهمي ابني من يجي هزيت راسي ورحت سويت الكلتلي عليه طبخت هي غده الكل اجه من شغله سلم عليه مهدي ووجهه مبتسم واسعد ورياض ودخلو دخل عبد الرحمن وجهه يلطم سلم وفات للغرفة دخلت وراه كال
عبد الرحمن : اسبح والكه الغده جاهز
سهاد : ركضت حضرت الغده وكعدت انتظرته طلع وكعد يتغده وبدأ يسألني شسويتي اليوم مسويتي كتله
سهاد : غسلت الملابس وشريتهن ونظفت البيت وبعدني ممكمله فتح عيونه كأنما يردن يطلعن من مكانهن كال ملابس منو
سهاد : كل الملابس من كلت هيج مااحس اله راشدي على وجهي اذني صفرت من قوته جان يكول
عبد الرحمن : اني مو كتلج كل شغله تسأليني يله تسوينها شلون تصعدين فوك وعلى أي أساس ذبن كل شغل عليج ولج انتي مرت عبد الرحمن مو خدامة عاط وكام ركضت وراه اشوف راح لأمه
عبد الرحمن: يمه ليش مخليه سهاد تغسل كل ملابسكم شنو اديكم مكسره وشلون مخليتها تصعد فوك اني شوصيتج
زهرة : دهر صابها هي تبرعت كعدت من الصبح اخذت الملابس من ايدي وكالت عمه وخري اني اغسلهن وردت اشرهن كتلها زوجج ميقبل تصعدين فوك كالت شنو امشي بامره اني واكفه وراه شهكت وعطت
سهاد : جذابه والله جذابه ندار عليه عيونه حمر مخلاني اكمل اجه لزم حلكي دخل شيخ عبد الله يركض وخر ايده وكال
عبد الله : ها ولك بعدها عروس تريد تورطني ويه صديقي ولك اني شرطت عليك خاف تريد تعيد تجربة تحرير ضليت صافنه يا تحرير شو اول مره اسمع هل اسم دار على عمتي
عبد الله : زهرة سوالفج مو ويه بت محمد زهرة عوفي الخطط بنيه فقيره مناقص مشاكل رجال مريض صحتي على كدي
زهرة : خطط ابو مهدي هيج تفشلني كدام هاي الوصخه اليوم ماابقى كامت تريد عباتها جلبن بيها بناتها يبجن ويخزرن بيه
عبد الله : والله اذا من كلمة الحق تضوجين فذاك الباب الله وياج وكلمة وصخه اذا عدتيها تنمد ايدي عليج طلع عمي راح للمضيف واني رحت للغرفه عبدالرحمن طلع من البيت مبقى لليل طلعت كالت تعالي سوي عشى شنو ختلتي خاف عبالج اروح ويصفالج البيت ضليت ادعي على امي بكلبي وين ذبتني اخ منج يمه عاد لو مخليتني اكبر بعد وشامرتني رحت اسوي بلعشى نواشف وهيج مرت الايام مد وجزر حتى مااطولها عليكم لان هذا مختصر قصتي لان هي القصة تخص بناتي وولدي ف اني اختصرت قصتي اختصار جبير فاتت الاشهر واني الشهريه بعد مشفتها شهرين ماكو كلت العبد الرحمن كال خل امي تاخذج للمستشفى وفعلا هي كيفت من كتلها ثاني يوم اخذتني والكحل تارس عيونها اني عبد الرحمن خلاني مثل ما اني بس لبس عريض وحجاب بعدني سافره لان هو اصلا مو متدين معليه بهيج شغلات وصلنا اباوع لعمتي اسولف ويه الممرضين والدكاترة وتتمضحك استغفرت ربي ولا جنها مرت شيخ اجه الممرض اخذ من عندي دم وهي مستمره تسولف وتضحك كم ساعة وصاحو باسمي كلها حامل هي احسها مفرحت واني اصلا مااعرف شنو السالفه يعني معقوله راح اصير ام واجيب أطفال المن لعبد الرحمن؟ إلي وياي يوميه يجرم بيه بهدوء اذا ماحصلت راشدي نعمه مشينا واني بالطريق صافنه على نفسي شلون يا ربي شسوي خلال هذي الاشهر يجي ابوي يسأل عليه فلاح ابد مبين لا هو ولا اخواني البقيه امي اجتني مرتين وبعد مااجت ومهدي خطب وتزوج نسيت اكلكم خطب بت ام داود جيرانهم بنيه سمره ووكحه السانها ويه عمتي كلمة بكلمة هي هم طلعت حامل من يوم العرس رجعنا للبيت بشرناهم اكو فرحو واكو لا مو يمهم الموضوع اخوات عبد الرحمن علاقتهن قوية بزوجة مهدي اسمها الاء اما اني فقط وقت الخدمة والطلبات يعرفني بس امال حبابه معليها اجه عبد الرحمن وبشرته حسيته بين الفرح وبين الضاج وماعرف شنو السبب ودائما ابو ياخذه للمضيف ويجي روحه طالعه وهكذا استمرت فترت الحمل جبت اول طفل قبل زوجة مهدي واختارلها اسم عبد الرحمن سماها زينة ومرت كم يوم على ولادتي ومره جاي ارضع بزينه وماحس اله عبد الرحمن دخل أخذها مني ذبها على جهه وكعلي دك على وجهي وجسمي ضرب كلشي قوي اجو اهله كوه خلصوني من ايده وزينه تعيط خبصت دنيا غسلت وجهي عمتي والبنات أخذن زينه يسكتون بيها وهو طلع من البيت وعمي ابو مهدي حاط ايده على راسه وصافن ويردد شاكل لابوها شلون اواجهه عيوني الجواهن نزف دم وورمن وحلكي مشكوك جسمي ازرك يعني ماكو مكان بجسمي بقى صاحي شاءت الصدفه بنفس اليوم اجت امي تشوفني ضموني عنها كلولها نايمة واني الحد الان معرفت شنو سبب الكتله شويه وامي دخلت شافت وجهي ووضعي شهكت ولطمت واول مره امي يصدر منها رد فعل كالت لعمتي
ام فلاح : ليش ام مهدي شنو أسيره عنده خيه شلون خليتو هيج يسوي بيها ولازم متعود على هذا الشي
زهرة : والله عيني منعرف شي بينهم وبتج دائما ساده باب غرفتها منعرف عنهم شي ابد وشعرفنه ليش سوه بيها هيج سمعنا العياط وركضنا خلصناها منه امي هزت راسها لان شافتها حقيره ومتتعاتب لمت ملابسي وشالت زينه كالت كومي يله جلب بينا ابو مهدي توسل بأمي وكلها ماريد أخسر صديقي ماكو قافله امي كالت اليوم مابقيها طلعنا أجرنا تكسي البيتنا وامي تفور وصلنا للبيت شافني فلاح واول مره يصدر منهم رد فعل ضاج عليه واجه يمسح بدموعي بس الفاجأني شفت اخواتي نغم وازهار احسهن مقابلات على جيتي وكأنما اني غريبه على هذا البيت والهن وبس سلمن من وره خشومهن ومهتمن الوضعي بقت امي توكل بيه اجه ابوي وحجتله كلشي واني بديت احجيلهم على عبد الرحمن واجرامه بيه وكل زغيره وجبيره حجيتها ابوي احسها ضاج كلش وعتب على ابو مهدي كال ليش زوجه اذا يدري بي بي حالة نفسية وقرروا اهلي يطلكوني منهم وتنتهي القضية بس اني اريد وانته تريد والله يريد والقدر يلعب دور بحياتنه..

عبد الرحمن : تعرفون التفاصيل وصار عندي طفله مره جاي من شغل تلكتني امي عبد الرحمن يمه عندي حجي مهم لأزم تسمعه فتحت عيوني
كولي شكو
زهرة : يمه انته ابني واني مااقبل عليك وصار فتره اشوف شغلات تصير مرتك تدك سوالف ويه مهدي وضحك بلمطبخ واني مااثق الله العالم يجوز مرتك تحب الرجال لابيض واخوك قابل معصوم وهم معاجبته مرته ويقلد عليها ترست راسي حجي وعافتني وراحت

عبد الرحمن : اني سبق وكتلكم طبعي شكاك ومااثق باي مره حتى إذا كانت مرتي لو بتي الكل عندي مو ثقه كد مشفت بحياتي نسوان تخون زوجها او تخون أهلها وكومه خيانات شطت من سمعت كلام امي وركضت لسهاد وكعت الها دك خليتها تجري دم من كل مكان وعفت البيت وطلعت ادور على مهدي حتى اجنزه وماكو بالي غير فكرة خانوني....
#يتبع...

لم يكن ذنبيحيث تعيش القصص. اكتشف الآن