البارت الثامن والثلاثون
لم يكن ذنبي
للكاتبة حوراء الموسوي
مساء الخير 🌷
هلي كل التعب منكم.. 💔
هلي لو بية اعاتبكم..
هلي لو بيدي ما اگبر...
هلي خلوا الحجي مدثر...
هلي كون العُمر يرجع...
هلي كثرت مواجيعي ولابيهم بشر يسمع...
هلي كل الجره منكم..
هلي مشكوله ذمتكم …
هلي لو بيدي اگاومكم … 💔
حنين : اي فرحة عروس ماعندي مجرد اريد حل مااريد تصير عليه نقطة بدون ذنب ومنو السبب مهند الزبالة! هو صارله فترة مختفي والله العالم شيخطط
اما اخته التداوم ويايه اكثر من مره اشوفها تمشي ويه ولد يم المدرسة وسوالف وضحك وحتى لازم ايدها... وبعدين كلشي حيبين لان ربنا عادل وكلشي بحسابه
اجتني هيام بعيونها كومه اسأله
هيام : حنين والله مو قصة اريد احرجج بس شلون شحتسوين
حنين : نصيت خجلانه جاوبتها مادري هيام عفتها لوقتها مااعرف ماعندي اي حل
هيام : حنين هذا موضوع شرف مو لعب ولج يذبحونج احجيلي حنين احجيلي كلشي اني اختج مو غريبه لا تخجلين عسى ولعل نلگه حل
حنين : صفنت شويه وضعي مومال خجل واتهرب مجبوره اسولف الهيام
بديت احجي ودموعي تتساقط حلكي يرجف كوه دتطلع الكلمات من عندي
سولفت لهيام من الألف إلى الياء
تقربت هيام حضنتي
هيام : سوده عليه هذا كله تحملتي وحدج والله اهنيج على صبرج وصمودج
بس حنونه الله ماله علاقة بتصرفات البشر الوحوش ليش ذابه اللوم على رب العالمين؟
قابل رب العالمين كال المهند روح سوي هيج؟
حبيبتي رجعي الصلاتج وصومج وقراءة القرآن هذا اختبار من الله يختبر عباده حتى يعرف منو اليصبر ومنو اليجزع
ومسامعه انو الله ينطي أعظم لمحن لاقوى جنوده؟
هو اختبرج باعز شي عندج وانتي فشلتي لجأتي للانتحار وللجحود بحق الله عز وجل
حبيبتي رجعي صلي وان شاء الله الله يحلها
شتكولين لو احاجي يسار واخذه لدكتور يحجيله حتى رايتج بيضة كدامه؟
أنت تقرأ
لم يكن ذنبي
عاطفيةاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
