لم يكن ذنبي

البارت الثالث والخمسون

البارت الثالث والخمسون(بارت هدية لعيونكم) هم كولوا مقصرة ويانه 😐 وتعليقات البارت قصير ومدري شنو بارتين اليوم واحد وره اللخ اموتها التكول قصير ههه بالكم مني

لم يكن ذنبي

للكاتبة حوراء الموسوي

مساء الورد والياسمين

شماخذ مني قابل 
هنـه خمس أسنين وصحتي وچم حلم وردي وگلب وعيون 💔

حنين : شفته من بعيد نازل ومنتجي ع سيارة يباوع بلَوجوه

العين داخله بنكره وجهه شاحب مو ذاك كرم الوجهه يشع ضعفان كلش

شلون افوت هو باب واحد! وهو مخيم بلباب يعني ضروري افوت من يمه

شي من الحنين تجدد بداخلي تره لا عبالكم اني ناسيه كرم بس تناسيت حتى اكمل حياتي

مشيت باتجاهه شافني

فتح عيونه مثل الممصدك سويت نفسي مشفته استمريت امشي باتجاه باب الكلية

قبل لا اوصل اجه صار كبالي قطع طريقي

كرم : حنين الف الحمدلله والشكر ولج والله ناوي ادور اسمج بكليات بغداد وحده وحده حنين نسيتيني؟ ابوس ايدج خل نحجي تره داواجه الموت لخاطر العشرة مو الخاطري اسمعيني

حنين : بلا زحمه وخر من طريقي الطلاب لا يشوفوك وعبالهم عندي شي وياك رفعت حاجبي كتله يكفي الشارع مالت المكتبة الخليتهم كلهم يعرفون بعلاقتنا

كرم : حنين هيج صار الحجي؟؟ ولج اني حرصت عليج اكثر من روحي تفهمين لو لا؟ اهلج نفسهم ميخافون عليج كدي

واني مرايد شي اسمعيني وانتي قرري وكفتنا محلوه بنص الشارع

حشغل السيارة اكو مطعم قريب منا او اي مكان يعجبج نحجي بي

حقيقة مكدرت أرفض كرم يعني مو بيدي شسوي

شغل السيارة داريد اصعد اجه فهد وكروبه من بعيد وكفوا يباوعون عليه من داصعد خاصة فهد نظراته احتقار ع استهزاء يعني حسسني انو اني وحده مو زينه! انسان استفزازي إلى درجة

كرم لابس عسكري وكرم شميكون يبقى حلو بعيني

حرك السيارة يسوق ومبتسم

كلساع يندار عليه صعدت بلكرسي البصفه اني عينه ع شارع ابد مباوعت عليه

مطعم كلش قريب رحناله

فارغ من غبشه

نزلنا

كال

كرم : شتتريكين حنونه

حنين :رجاءاً مجايه اتريك كلت عندك حجي مهم داسمعك تفضل؟

حسيته ضاج من حجيت ويا بهذا الأسلوب