تبدأ القصة في عام ١٩٦٠ في إحد البيوت العراقية خلف اسواره أسرار لا يعلمها إلا أفراد الأسرة سوف استعرض لكم ماحصل داخل هذه الأسرة من فقر وظلم وخذلان وحسد وحقد وضغينة..
َ
اني حنين من بغداد منطقة الشعب وبعدين تعرفون باقي المعلومات راح أروي الكم القصة عن لساني
وعن لسان البقية..
احنا من عائلة معروفة أجدادي اهل ابويه شيوخ مال عشيرة (...) جدي ابو ابويه وجدي ابو امي اصدقاء حتى دوامهم سوه وصداقتهم قوية وجدي عبد الله ابو ابويه يحل لجدي ابو امي هوايه مشاكل لان شيخ عشيرة والناس كلها تحترمه واله صيته بين الناس بيوتهم بغداد بأيام الخير والناس عايشة ع المحبة والطيب جدي ابو امي اسمه محمد ابو فلاح خالي الجبير الي بعد امي عائلة امي تتكون من ٥ بنات و٤ ولد والي همه فلاح رزاق وليد حامد والبنات امي (سهاد) الجبيره اكبر الولد والبنات وخالتي نغم وازهار نهى ايناس لهنا عرفتكم ع شخصيات اهل امي لان الهم دور بعدين بقية الأحداث نجي لأهل ابوية جدي عبد الله وجديتي زهرة عدهم ٥ ولد و٥ بنات عمي مهدي الجبير وابويه عبد الرحمن ورياض واسعد وسالم
عماتي امال وابتهال ونسرين وساميه وفاطمة الزغيره بزر الكعدة كاعدين بيت بغداد بمنطقة (...) ومقابل البيت مضيف جبير باني جدي لأمور العشيرة وقضاياها يوم من الايام كالعادة مثل كل يوم جدي محمد
محمد: السلام عليكم شلونك ابو مهدي تعال نتريك سوه صمون حار وكيمر عرب يعجبك هه مبين ممتريك
عبدالله : وعليكم السلام ابو فلاح ابن الحلال بذكره هههه والله ياابو فلاح ممتريك اخذتني النومه البارحه جانت عندي طلابة وكوه نحلت
محمد: خير ان شاء الله والله ياابو مهدي الله يعينكم على شغلة العشيرة والطلايب نكمل ريوك ورايدك بحجاية
عبدالله : ها السالفه صارت بيها حجايه هههه ابو فلاح لازم عندك طلابه
محمد : لا ياابو مهدي ان شاء الله كل خير
الظهر وره مخلصو شغلهم وبطريق الرجعة للبيت جدي عبد الله عنده سيارة بسيطه يروح ويرجع لدوام بيها بطريقه يوصل جدي محمد
عبد الله : ابو فلاح تفضل ويايه ع الغده مترهم اليوم ما اعذرك اله نتغده سوه اليوم متفلت مني ههههه
محمد : لا اليوم ماكدر اتعذر ههههه ابو مهدي لان عدنه هوايه حجي
وصلنا للبيت ونزل ابو فلاح
عبدالله : ام مهدي سوي طريق يابه اليوم عدنا ضيف ابو فلاح
زهرة : اهووو يوميه جايبله واحد وتعاي يزهره اركضي واخدمي تحجي بكلبها هه اي يابه اي هلا بلضيف
عبد الله : تفضل ابو فلاح تفضل انته مو غريب
محمد : ياالله السلام عليكم
ردو السلام دخل ابو فلاح واجو الولد مهدي وعبد الرحمن سلمو عليه وكعدو
محمد : يابه مهدي شلونك شخبار دراستك
مهدي : الحمدلله حجي ماشيه الأمور
محمد : موفق ان شاء الله أن شاء الله نشوفك دكتور
مهدي : اشكرك حجي
محمد : وانته وليدي عبد الرحمن شخبارك شلونه شغلك
عبد الرحمن : والله عمي ماشي الحال واني اكره الدراسة مالي واهس بيها فضلت اشتغل ولا ذلت المعلمين واشبع بسط هه
عبد الله: انته واحد كسولي شبعتك بسط وعقوبات ومفاد بيك طبعا عقوبات جدي عبد الله جانت كلش قاسيه ربط ع النخل او دفن او يجوي بلنار طبعا جدي مطلع ومعروف بس عقليته هاي مستحيل احد يكدر يغيره عقليه محجره قافل وغالبا ابويه يشبه أطباعه
عبدالله : اباوع لابو فلاح يباوع العبد الرحمن ومهدي بعين تلمع هه وتقريبا افتهمت قصده
بعد الغده وشربنه جاي سأل ابو فلاح مهدي
محمد : اكول مهدي وليدي شنو انته مناوي تزوج نريد نشوف أحفادنه يابه كل ماتجي البيت فارغ مابي صوت البيت بلا أطفال جنه جامع
مهدي : لا عمي يا زواج اني وراي مشوار طويل والزواج اخر همي والله زوجو عبد الرحمن اذا تردون هههه
عبد الرحمن : ها ذبيتها براسي خويه دومك تشمر السالفه عليه وتعال يا عبد الرحمن تحمل
مهدي : بيك الخير خويه
محمد : ضليتو واحد يذبها ع ثاني عمي يا كلمة رجعي لمكانج
استأذنو الولد وطلعو بقينا بس اني ومحمد
عبد الله : كول ابو فلاح احس بألك شي
محمد :ههههه والله ياابو مهدي محد يفهمني غيرك خليني احجي البكلبي ياابو مهدي اني راتبي بسيط والحمل ثكل عليه الولد يدرسون والبنات جاي تكبر وطلباتها تزيد ولدي حشاك مابيهم خير كلهم معتمدين عليه ولا واحد يشتغل ويعيني
عبد الله : الله يساعدك ياابو فلاح لا تشيل هم أأمر اي شي تحتاجه ولدي وبيتي تحت امرك
محمد : لا يخوي مستوره الحمدلله ومامحتاج ولو احتاج ماتردد كبل اجي عليك بس اني هلمره منطيك مره وطالب قرابتك ورايد اناسبك
عبدالله : واني اتشرف بيك ابو فلاح افتخر دمنا يصير واحد
محمد : ابو مهدي مهدي مبين مرايد يتزوج لا تحرجه زايد شوف عبد الرحمن والكاتبه ربك يصير
عبدالله : والله ياابو فلاح مهدي اني مامن من ناحيته واعرف مرايد زواج بسبب الشافه من سالفة اخو يكول لعبت نفسي من الزواج هدوني هدية من اهل العمارة ومكدرت اردهم واني ماريد كلت اعرضها على ولدي واليقبل بيها اسويلها احسن عرس مهدي كالعادة رفض اما عبد الرحمن حسيته استحه ومراد يخجلني وافق جبنه البنيه وزوجناهم على أتم وجه اشو شبع البنيه دك وجان قاسي وياها وخلصت بس مشاكل شردت البنيه منه للعمارة وطلبت طلاك لان اخر مره كاتلها ممخلي بيها شي سالم استحيت من أهلها ومن كرايبها رجعت منزل راسي واني حاير ياابو فلاح هذا شلون اذا زوجته مره ثانيه وصارت عنده مره وعائلة خاف يجرم بيهم
محمد : ابو مهدي يجوز البنيه مفهمته ومجان يتفاهم وياها وتخلي يمد ايده عليها طبعا جدي جان يريد بس يشمر امي فبكل الأحوال يريد ينطيها حتى لو بلاش وبدون مهر
عبد الله : أشاور الاهل ياابو فلاح وان شاء الله كل خير
محمد : اني لان انته مثل اخوي والمثل يكول اخطب لبنتك قبل لا تخطب لابنك هههه واني امون عليك ابو مهدي يله اني اترخص ياالله
عبدالله : مرخوص ابو فلاح سلمنا ع الاهل
محمد :فيمالا خويه
عبدالله : الله وياك نورتنه
يتبع
أنت تقرأ
لم يكن ذنبي
Romanceاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
