သူတို့လုပ်နေတဲ့ လုပ်ငန်းစဥ်တွေတခုပြီး တခုအောင်မြင်နေတော့ တာကီရို..ကျေနပ်နေသလို နောက်ဆက်လုပ်ရမယ့်အရာတွေအတွက်လည်း ယုံကြည်မှုတွေမြင့်မားလာတာလည်း အမှန်ပင်။ အခုလိုအစီအစဥ်ကိုအရင်ကတည်းက သူလုပ်ချင်နေတာပါ။
ဒါပေမယ့် ဆုံးရှုံးမှုတွေကများနိုင်တယ်လေ၊ အခုတော့ သူကသေဆုံးပြီးသားလူလိုဆိုတော့ လုပ်ရကိုင်ရတာအဆင်ပြေလွန်းလှတယ်။ ဘယ်သူ့မှကိုယ့်အပေါ်သံသယမရှိတော့ ကိုယ့်ဘက်ဆုံးရှုံးစရာလည်းမရှိတော့ဘူးပေါ့။ ကြံဖန်ပြီး လုပ်ကြံခံရတာကိုပင် ကျေးဇူးတင်ရမယ့်ပုံပါ။
ကိုယ့်အတွေးတွေနဲ့ကျေနပ်အားရနေကာ စဥ်းစားခန်းဝင်နေတုန်း အခန်းထဲကို အဲရစ်ကာ..ဝင်လာတာတွေ့တော့....
"အဲရစ်ကာ..ပါလား ထိုင်ပါဦး အခြေအနေတွေကတော့ အားလုံးကောင်းနေတယ်နော်"
"ဒါက ကြိုတင်စီစဉ်ထားတဲ့အကျိုးရဲ့ ရ
လာဒ်တွေပါ"
"ဒါပေါ့ တို့ဝင်လာတဲ့အနေအထားက သူတို့မထင်မှတ်ထားတဲ့နေရာကဆိုတော့ တော်တော်များများကတော့ စိုးရိမ်နေကြမယ်လို့ထင်တယ်"
"မကြာခင် သူတို့ကြား တဖွဲ့နဲ့တဖွဲ့သံသယတွေဝင် ထင်ရာကိုလက်ညိုးထိုးလာကြလိမ့်မယ်"
"Hahaha ဒါ ငါတို့အတွက်ကောင်းတာပဲမလား စစ်ပွဲသာဖြစ်ရင် အကုန်အင်အားနည်းကုန်မှာပဲ အဲ့ဒီအခါကျ..."
"အဲ့ဒီအခါကျ ကျမတို့ရှုံးနိမ့်ရလိမ့်မယ် တာကီရို.."
"Hmm ဘယ်လို အဲရစ်ကာ.. အဲ့ဒီအချိန် ငါတို့ငြိမ်နေလိုက်ရင်အကုန်အဆင်ပြေနိုင်တာမဟုတ်ဘူးလား"
"လုပ်ငန်းကြီးတခုလုပ်တော့မယ်ဆို အနိုင်ရဖို့တွက်ချက်ရသလို ရှုံးနိမ့်နိုင်တာကိုလည်းတွက်ချက်ရတယ် ဒါမှ လုပ်သင့်တာ မလုပ်
သင့်တာ ဆောင်နိုင် ရှောင်နိုင်မယ်မလား"
"ဒါဆို စစ်ပွဲဖြစ်လာမှာက ဘာကြောင့် ငါတို့ရှံးနိမ့်တာဖြစ်စေရတာလဲ အဲရစ်ကာ.."
"စစ်ပွဲအသွင်ဖြစ်လာမယ်ဆို ယာကူဇာပင်မဂိုဏ်းက သူတို့အကျိုးစီးပွားအတွက်ပါလာမှာမလား တတ်နိုင်သလောက် သူ့အနွယ်တွေကိုကာကွယ်မှာပဲ ဒါဆို ရှင်ဝင်ဖို့ခက်သွား
လိမ့်မယ်"
YOU ARE READING
Love Then Love
Romanceမီးနဲ့ရေလို ဘယ်လိုမှမအပ်စက်နိုင်တဲ့ ဆန့်ကျင်ဖက် ရှင်သန်မှုမျိုးနဲ့ဖြစ်တည်နေကြတဲ့ ဘဝနှစ်ခု..... အဲ့ဒီဘဝနှစ်ခုကို မိန်းကလေးနှစ်ယောက်က အချစ်တခုအတွက်နဲ့ပေါင်းစပ်ဖို့ ကြိုးစားကြရာဝယ်..... သူတို့နှစ်ယောက်အနေနဲ့ ဖြစ်ပေါ်လာတဲ့ နောက်ဆက်တွဲအကျိုးဆက်ကို ရင်ဆို...
