මායාවී 🥀 [MAYAWI] ✔️

Part - 30

නාලිනී අම්මා මට hospital එකට යන්න කිව්වාම මමත් කලබල වුණා. එයා සාමාන්‍යයෙන් මේ වගේ වෙලාවට තනූ එක්කම ඉන්නයි කැමති. මම හේතුව ඇහුවාම මුකුත් නොකියපු එකත් මගේ සැකේ තවත් වැඩි කළා. ඒත් මම වැඩි විස්තර හොයන්නෙත් නැතුව ඉක්මනින්ම hospital ගියේ තනූට අමාරුයි කිව්ව නිසා.

මම එතනට යනකොටම nurse කෙනෙක් පුංචි බබෙකුත් අරගෙන තනූ ඉන්න කාමරේ ඇතුළෙ ඉඳලා එළියට ආවා. මට ගොඩක් සතුටු හිතුණා. ඒ අපි මෙච්චර කල් බලාපොරොත්තු වුණ පැටියා නේද ? මම ඉක්මනින්ම nurse ළඟට ගිහිල්ලා ඒ බව ඇහුවා.

"Excuse me miss , මේ මේ room එකේ හිටපු pregnant lady ගෙ බබාද ?"

"ආ. ඔව්. මිස්. බබාව දැන් තමයි ගත්තෙ. මේ මිස් patient ගෙ කවුරුහරිද ? "

"ඔව්.ඔව්. මම එයාගෙ හොඳම යාළුවා. මට ටිකකට බබාව ගන්න පුළුවන්ද ? "

"හරි මිස් OK. ඒත් ටිකක් ඉක්මනින් කරන්න පුළුවන් නම් හොඳයි. බබාව baby room දාන්න ඕනි ඉක්මනින්. "

"හරි. Thank you."

මම පැටියව වඩාගන්නකොටත් එයා හොඳටම අඬනවා. ඒ සිනිඳු අතපය දැක්කාම වඩාගන්නත් ලෝබ හිතෙනවා. චූටි මලක්.

   " අනා. මොකෝ මොකෝ මේ චූටි දෝණි අඬන්නේ. අම්මා ඉක්මනින් එයි බබාව බලන්න. කෝ බලන්න කවුද හොඳ ළමයා කියලා. හොඳ බබාලා අඬන්නේ නෑනෙ මැණික. "

මම පැටියව හුරතල් කරන ගමන් කතා කළා. ටික වෙලාවකින් එයා සන්සුන් වුණා. දන්නෙම නැතුව චූටි රෝස මලට නින්දත් ගිහිල්ලා.

ඒත් එක්වරම ශාන් room එකේ දොරත් ඇරගෙන එළියට දුවගෙන ආවේ පිස්සුවෙන් වගේ. එයා දොර ළඟම බිමින් වාඩිවෙලා අඬන්න පටන් ගත්තා. දරුවා මගේ අතේ කියන එකවත් එයා දැක්කෙ නෑ.
ඒ තරමටම මොනවද වුණේ. කරදරයක් නැතුව බබාවත් ලැබුණා නි.
එහෙම හිතමින් තනූ කෝ කියලා බලන්න දොරේ විවෘත කොටස තුළින් ඇඳ දිහාට ඇස් යොමු කරපු මට දකින්න ලැබුණේ සුදු රෙද්දකින් ආවරණ කරන තනූගේ නිසල ශරීරය.

වෙනත් වෙලාවක නම් දුක නිසාම ක්ලාන්ත වෙන්න ඉඩ තිබුණත් තවමත් මගේ අතේ අහිංසක රෝස මලක් වැතිරිලා ඉන්න බව මගෙ යටිසිතට මතක් වුණා. නැවතත් පියවි සිහියට ආපු මම මගේ ඇඟිල්ලකුත් තදින් මිරිකාගෙන සුව නින්දේ ඉන්න දරුවා දිහා බැලුවා.
ඒත් එක්කම බිම දිගේ වැතිරිලා කඳුලු වගුරන ශාන් දිහාත් බැලුවා. මගේ අම්මා නැති වුණ වෙලාවේත් මගෙ තාත්තට මේ වගේම දුකක් දැනෙන්න ඇති. නාලිනී අම්මා මාව එයාගෙම දරුවෙක් වගේ බලාගත්තෙ නැත්නම් අද මම කොතන ඉඳියිද ? මට අක්කා කෙනෙක් වගේ හිටපු, එයාට අයිති එයාගෙ අම්මගෙ ආදරේත් කිසි ලෝබ කමක් නැතුව මාත් එක්කත් බෙදාගත්ත මගෙ හොඳම යාළුවා වෙනුවෙන් මට මේ දේ වත් කරන්න බැරිද ?