_Because I Love You _

EPISODE 64

ក្រោយអង្គុយញុាំអាហាររួចរាល់ពួកគេក៏បន្តមកដើរលេងក្បែរនឹងព្រមទាំងចេញស្រូបយកខ្យល់អាកាសអោយស្រស់ស្រាយបន្តិចដែរព្រោះតែមួយថ្ងៃៗគិតតែអង្គុយសំកុកធ្វើការងារមិនសូវបានចេញមកលេងក្រៅឡើយ តែថ្ងៃនេះបានចេញហើយនៅអោយយូរតិចក៏មិនទាស់ខុសអីដែរ

"Jungអូនចង់ញុាំការ៉េម"ដើរនិយាយគ្នាសុខៗស្រាប់តែTaehyungឈប់ងក់មិនព្រមដើរទៅមុខទៀតធ្វើអោយនាយងាកមកមើលគេទើបគេទទូចសុំទិញ

"ទេ យប់ហើយមេឃក៏ត្រជាក់ទៀតបើអូនញុាំការ៉េមច្បាស់ជាឈឺមិនខាន"Jungkookក៏ក្រវីក្បាលមិនព្រមតាមចិត្តគេទារធ្វើពេលនេះមេឃក៏កាន់តែចុះត្រជាក់ហើយបើញុាំការ៉េមទៀតវាអាចនឹងផ្តាសាយក្តៅខ្លួនជាមិនខាន

"ហិៗ បងមិនស្រឡាញ់អូនទេ"Taehyungក៏ដាក់ខ្លួនអង្គុយចុះភ្លាមធ្វើអោយអ្នកដែលមកដើរកម្សាន្តក្បែរនោះងាកមើលគ្រប់គ្នា ឯJungkookគ្រាន់តែឃើញបែបនេះភ្លាមក៏ឆ្លេឆ្លារកធ្វើអីមិនត្រូវបើនៅសុខៗអង្គុយចុះនឹងដីងក់ងរដាក់នាយទៅវិញអ្នកណាទៅធ្វើអីទាន់ទៅ?

"អា៎ៗ ងើបមកៗបងទៅទិញអោយធំហើយមកងរដូចកូនក្មេងទៅកើត នៅទីសាធារណៈណាមិនមែននៅផ្ទះយើងទេ"Jungkookប្រញាប់អង្គុយចុះលួងគេភ្លាមៗបើសិនជានៅផ្ទះវិញនាយញ៉ោះអោយយំថែមបាត់ហើយតែនេះមនុស្សមើលព្រោងព្រាតខ្មាសគេស្លាប់ហើយ

"បងថាអោយអូន អូនមិនងើបទេ"Taehyungក៏អោបដៃងាកមុខចេញទាំងមិនខ្វល់ពីក្រសែភ្នែកជាច្រើនគូរសម្លឹងមកគេសូម្បីបន្តិច មិនដឹងជាកើតអីក្នុងខ្លួនទេម្តងជាខ្លាម្តងជាទន្សាយ អ្នកណាទៅតាមទាន់បើចរឹកផ្លាស់ប្តូរដូចរន្ទះបាញ់ដើមត្នោតបែបនេះ

"បងសុំទោសងើបមកណាប្រឡាក់ខោអាវអូនអស់ហើយ ឃើញទេ?"

"ពិតមែនឬ?ប្រឡាក់ឬអត់?ស្លាប់ហើយប្រឡាក់បាត់ទៅហើយJung ហ្អិកៗខោអូនកម្ម៉ង់រាប់ខែទម្រាំនឹងបានឥឡូវប្រឡាក់អស់ អូនមិនសុខចិត្តទេស្អែកជូនអូនទៅទិញថ្មីភ្លាម"ឃើញទេៗ?ហេតុតែចង់បានរបស់ទៀតខោប្រឡាក់តែបន្តិចមើលមិនចង់ឃើញផងស្រែកយំដូចគេវៃដប់ដំបងអញ្ចឹង តាមធាតុពិតចង់បានថ្មីតែប៉ុណ្ណោះខោគេប៉ុណ្ណឹងបោកតែបន្តិចក៏ជ្រះអស់ទៅហើយ