يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢

#يا عشقاً كلما حكيته هام به الفؤاد
ويا غرامًا زاد عشقه حد الهيام

#بقلمي...rw_wared

أنتِ خلاصةُ كلِّ الشعرِ.. ووردةُ كلِّ الحرياتْ.
يكفي أن أتهجى إسمَكِ..
حتى أصبحَ مَلكَ الشعرِ.. وفرعون الكلماتْ..
يكفي أن تعشقني امرأةٌ مثلكِ..
حتى أدخُلَ في كتب التاريخِ..
وتُرفعَ من أجلي الرّاياتْ..

-نزار قباني
—————————

اكملت مزنه تظفير شعر ميان سمعت صوت دقت الباب قامت بتعب
-جاية جاية يالله
وصلت عند باب الحوش وفتحته وشافت اللي اقفه امام الباب بعبايتها

مزنه : هييهه ياام خالد وش مصايب جايبتها؟
ام خالد: افا عليكي ام ظافر وهذا وانا جايبة لك اخبار تسر خاطرك

تنهدت مزنه : تفضلي حياك
ام خالد: وينها البنيه الصغيرة بيان
مزنه : اسمها ميان ميان
ام خالد: وش هالاسم لويش ماسميتوها صالحة رقية عائشة من هالاسماء الحليوه ولا هالمياع مدري ميان

مزنه: اجلسي يام خالد واتركي عنك اسم البنيه
قولي لي وش اللي جايبته
ام خالد: ايه يا طويلة العمر اقولك هذا غليب ولد اخيتك
مزنه : ايه شبلاه؟

ام خالد: جايبةٍ له عروس تضوي ضي
مزنه :يا ام خالد ماتقصرين والله الوليد مايبي يتزوج للحين ولو يبي يتزوج احنا بناتنا يقولون للقمر روح وحنا نجلس بمكانك

ام خالد: اقول لويش يعني
وبصوت اقرب للهمس: بيني وبينك صحيح اللي سمعته هو مايخلف؟

مزنه: الرزق من الله الله يهديك بس ماتقولين لي كيفه خالد وابو خالد مرتاحين هالفترة مافيه مصايب مالكم حس عسى ماشر

ام خالد: والله انا مثلك ام ظافر مستغربة الاب وابنه هادين مالهم حس حتى اني اليوم قريت عالبيت خاف عين صابتنا

مزنه: ايه يارب عسى هالعين اللي صابتكم ماتروح وتبقون هادين
ام خالد: هههه لهادرجة تعبانه منه يام ظافر  

—————————
فالطايف وفي احد المناطق الجبلية الجو المغيم والهواء بارد جالسين وحولهم الرمال ومشغلين الحطب و ملتفين حولها يدورون الدفى
ظافر وهو يلقي الحطب عالنار: ماتقولي يا غالب بويش تفكر؟
غالب : افكر ب حال ياخوك

ظافر: لايكون صايبك العشك بس
غالب: هه لاا ويين مالي بهالسوالف
ظافر: اجل وين غادي ببالك؟
غالب : موضوع شاغلني شوي
ظافر: هونها وتهون ياخوي
غالب: ماظتني تهون وهي كبيرة

ظافر: ايه والله الله كريم ادعي انت ولاتفكر بالباقي
ايه ماقلت لي وش صار على بنت السيد؟
غالب وهو يفر بالسحبة نطق بعدم اهتمام
- طلقتها