يا عشقاً كلما حكيتُه هام به الفؤاد ويا غراماً زاد عشقهُ حد الهيام

٣

#ياعشقاً كلما حكيته هام به الفؤاد
وياغراماً زاد عشقه حد الهيام

#بقلمي...rw_wared

كفاكِ تسلّلًا لكلّ حلمٍ يراودني،
كفاكِ تلبّسًا لسيجارتي وفنجان قهوتي،
كفاكِ مداعبة لصبري ولشوقي
فوالله اشتقتُ إليك بعدد الدّمعات الّتي لم أبكِها خجلًا،
وبعدد الضّلوع الّتي وضعتِ رأسك عليها ذات حُبّ وتضاعفت مرّاتٍ ومرّات،
وفي كلّ يوم مغيبٍ أضع يدي على صدري أجدها ناقصة ضلعًا .
بكامل ضعفي وبضلعينٍ لا أكثر أناديكِ..
تعالي، أيا بحّة النّاي وضعفي ومُناي تعالي.🖤

————-
دخلت للمجلس ولفحتها رائحة العود رفعت رأسها وهي تشوف ابن اختها

مزنه: هلا والله بغالب هلا زارتنا البركة
قام غالب من مكانه وهو يبوس راسها
-هلا بخالتي كيف الحال

-نحمد الله ياولدي ، كيفك انت ؟
-نحمده ونشكره 
دخلت للمجلس وهي تركض
وجلست بجانبه بحماس نتنظر هديتها

دخل يده بجيب ثوبه طلع منه علبه صغيره
جلست بجنبه وهي تشوف الهدية فتح العلبة الا بسلسال من ذهب ومكتوب عليها بطريقة مميزة اسم ميان

مزنه: ماشاءالله تبارك الله تسلم يدك وليدي
ناظرت ميان
-الله

مزنه: قولي شكراً يامال العافية
-شكراً
ناظرت فيه وهو يبتسم وسرحان فيها
غالب: هنا مكتوب عليها اسمك ميان
ميان بإعجاب
-حلوه

شال السلسال من العلبة
تعالي البسك ياها فتحها عطته ظهرها ورفعت ضفيرتها وحط السلسال على عنقها
-حلو ياجدة؟

-حلو ماشاءالله روحي شوفيها بالمرايا
قامت بحماس وخرجت من المجلس تشوف السلسلة بالمراية
مزنه: هههه الله يسعدها ويرزقك ياولدي
-امين ياخالة
تنهدت مزنه وناظرت بيه

غالب : شبلاك ياخالة اشوف بعينك كلام ؟
مزنه:والله ياوليدي مدري وش اقولك،، بس انت جالس تعلق هالمسكينه فيك ومصيرك يوم تتزوج
ويصير عندك عيال وتتركها ترا ياوليدي التعلق صعب حاول تبتعت عنها لو تخف من دلالك

غالب وهو يحاول يتحكم بأعصابه
: شهالكلام ياخالة ترا بيصير بيننا زعل چبير
كل اللي مسويه لجل خاطرها وما احسسها بالفراغ اللي تركه ابوه اللي ما يتسمى اب

مزنه: يا غالب انا بس ابي مصلحتها، وانت لا ابوها ولا خالها ولا عمها بكرا

ان كبرت بيصير كلام علينا وحنا شيوخ وتدري الناس يدورون علينا الكلام وقتها يتكلمون بشرف البنت وتعرف البنيه سمعتها غالية عليها لانها لو تلطخت ماترجع

-شاللي تبين توصلين له ياخالة؟
-ابعد عنها ولاتعلقها فيك
-بيصير مثل ماتبين هذا انا رايح وماني طاب عندكم

خرج من المجلس وهو في قمه غضبه
صادفته وهي تجري عالمجلس والضحكة على شفافها
تغيرت نظرتها وهي تشوفه متجه للباب
ركضت ناحيته ومسكت يده
وبنبره فيهز حزن
-وين رايح؟