يا عشقاً كلما حكيتُه هام به الفؤاد ويا غراماً زاد عشقهُ حد الهيام

٤٥

صَعب
‏لمن اظل وياك
‏واحسك عندك
‏استعداد تنساني
‏من برة تبين
‏شخص مامحبوب
‏بلكي بداخلك
‏يطلع شخص ثاني
‏اريد وياك ..
‏احب وارتاح
‏مو مال اظل يمك
‏وآني داعاني .

ياعشقاً كلما حكيته هام به الفؤاد
ويا غراما زاد عشقه حد الهيام ❤️
rw_wared

.
.
.

جوري انتهى الحفل روحو المعازيم بقى اصحاب امجد واصحاب طلال

مزنه: يلاه يمه جوري لبسي عباتك لجل نمشي الوقت تأخر
انقبض قلبي من كلامها يعني هالحين صار الموضوع جدي انا راح  اخرج من بيتنا
مافيه امي معي ولا ابوي
مجرد خطرت هالفكرة احمرت عيني وتجمعت الدموع

(بنت خالتي )لاتبكين هالحين تسيح الكحلة وتخرعين الادمي
اجتمعو الكل يحاولون يهدوني
جده مزنه تلبس البرقع وتناظرني
- عن الدلع يمه كلنه تزوجنا وسيبنا اهلنا وانتي وينك عندي بتجلسين وابوك كل يومين يجيني لويش تبكين

وكأني لقيت المخرج لدموعي بدت تصب وصرت اشهق
مزنه: يالله ورانا اليوم بطوله يلاه يمه عن العيارة البسي وراي نوم انا وراي صلاة الفجر

ام طلال خرجت من المطبخ عاقدة حواجبها
- وش فيها جوري
ابعدتهم عنها واقتربت من بنتها
- يمه وش فيك تبكين
ارتمت بحضن امها تشهق
ماقدرت ام طلال تمسك دموعها وصارت تبكي

مزنه: اهووو ياسالفة وش طولك هالحين جالسين تنوحون اللي يشوفك يقول راحت للجنوب كلها ساعتين وانتي عندها

قامو يجيبون عباتها لبستها امها وعيونها على خدها
اندق الجرس
ام طلال: منهو جاينا الحين تاخر الوقت
انفتح الباب
ثواني ودخلت لهم ريوف تبعد طلال عن طريقها
-يمهه انتو هنيه تحتفلون بهذي وانا تاركيني
ظافر بصوت عالي من المجلس
- صوووتك
ثم وقف بالممر اللي بالصالة لكن مادخل عشان اخوات ام طلال متواجدين
- منهو مدخل هذي البيت انا قلت مابي اشوفها
جرت ناحيته تحتضنه
- يبه
دفعها وسحبها من زندها ورماها عند الباب وتكلم بنبره قاسية
- الحين ترجعين من وين ماجيتي

كان امجد خلف ظافر مسكه يهديه وعيونه على ريوف وحالها
جوري كانت خلفهم تبكي وهي تشوف نظرات امجد الحزينه على ريوف
راح لها امجد يساعدها صرخ ظافر
- اياااك تلمسها خلها تروح بنفسها
ريوف وهي تبكي
- يببه الله يخليك
قفل الباب بعصبية على وجهها
التفت وهو يشوف جوري ودموعها
فتح لها ادينه وتبدلت عصبيته بلحظه لعطف

- تعالي يبه خليني اضمك قبل تروحين
جرت لحضن ابوها وشدت عليه وهي تبكي
- لا تبكين ياعين ظافر انتي انا معطيك ومتطمن عليك عند امي وامجد

مزنه تضرب عصاتها بالارض
- شنهو اللي ساويته ياظافر كذيه ترمي بنيتك قدام الاوادم وش يقولون عننا
- يمه انا متبري منها ولاتفتحي لي سيرتها
- الاوادم ماتعرف متبري موب متبري بالنهاية بنتك وعرضك راميها بره بيتك قدام اللي يسوى واللي مايسوى