يا عشقاً كلما حكيتُه هام به الفؤاد ويا غراماً زاد عشقهُ حد الهيام

٦

اشتَقتْ لَك بالأمس
واليُوم مِشتَاق
وباكِر إنْ شُفْتك
يزيد اشتِياقِي
لَجلَك زَاد الحُب
وزَادَت الأشواق
وزَاد مِن بين الضُلوع
احتِراقِي....

ياعشقاً كلما حكيتُه هام به الفؤاد ويا غراماً زاد عشقه حد الهيام 💗
————
انتظرته يومين ماجا رغم اني المفروض اشيل عليه بس قلبي مايطاوعني فهمت حقيقة مشاعري تجاهه بفرحة غير مدركة للي بيصير معي من ورا هالحب
بيومها خرجت من غرفتي احس جسمي طايح راسي مصدع وبرودة في جسمي شافتني خالتي سهيلة
-وش فيك تعبانه؟
هزيت راسي بنعم وجلست بجنبها مسكت جبهتي وهي تقيس حرارتي
- يوه حرارتك عالية نامي خلني اسوي لك كمادات
قامت رايحة عالمطبخ وانا انسدحت بتعب شفت جدة مزنه خرجت من غرفتها رغم انها يومين ماتكلمني بس ادري بيها تهتم فيني من بعيد لبعيد بسبب تعلقها فيني
غمضت عيني

جت سهيلة وهي شايلة القدر وقماش ابيض بيدها ناظرت فيها مزنه بإستغراب
-لويش هذا
-ماتشوفين البنيه حرارتها عالية انسوي كمادات يمكن تطيب
هزت راسها مزنه ونظراتها فيها حيرة جلست سهيلة بجنب ميان وحطت القماش على راسها
-يمههه خالة باردد
-تحملي شوي عشان تروح حرارتك
- هممم
جلست مزنه بجنب راس ميان وهي تعدل الكمادات وتطالعها بخوف من كانت تمرض ميان كانت تسهر عند راسها لين ما تطيب يلا تقدر تنام مرتاحة
فتحت عينها بتعب وهي تشوف مزنه عند راسها رفعت راسها وهي تحطه على فخذ وتنام
حطت مزنه يدها على شعر ميان وتمسح فيه وتقرا على راسها
سمعو صوته من عند الباب
-السلام عليكم
الكل وعليكم السلام
رفعت مزنه علينها ورجعت تكمل قراية 
جلس بجنب ميان وهو يطالعها
-وش فيها ياجده؟
ردت عليه سهيلة تعبانه اخيتك اليوم
- هاه  ثم ناظر في اخته ب حزن اقترب وباس راسها
-معافاة ياخيتي يلاه انا بروح انام تبون شي
-لا سلامتك
دخل لداخل وميان غابت في عالمها اللي مافيه الا هي وغالب مشتاقة له تبي تسمع اي خبر عنه
بعد قيلوله بسيطة صحت من النوم جسمها مكسر من نومه الارض ناظرت حولها وهي تشوف مافيه احد شالت القماش عن راسها وقامت وهي تحس راسها مصدع
مشت لغرفتها وانسدحت تحاول تكمل نومها لكن فيه اصوات بالمجلس مزعجتها شباكها قريب من المجلس قامت بكسل تبي تقفل الشباك ولاكن قلبها فز من سمعت صوته نبض قلبها تسارع وعيونها تدور عليه يمكن يخرج وتشوفه لكن تذكرت اللي صار معها ورجعت لسريرها وانسدحت وهي تتذكر الضربه انهضمت من هالذكرى ونزلت دموعها مسحتها بسرعة وخبت وجهها بالمخده والصداع ما فارقها
-مياان
نبضها رجع تسارع حست نفسها تخربطت من سمعت اسمها بصوته حطت يدها صدرها ناحية قلبها وهي تبتسم اشتاقت له كثير بس تبي تحرق قلبه مثل ماحرق قلبها غمضت عينها سوت نفسها نايمه
سمعت صوت فتحت الباب
سهيلة: اظن انها نايمه خلوها نايمه
مزنه: لا خليها تصحصح عشان ماتستيلم لمرضها
مياانن قومي غليب جا ويبيكي
-همم ياجدة قولي له مابيه حيل اجي
سهيلة: حرام خلها نايمه وتعالي حنا نكمل قهوتنا
سحبتها لخارج وقفلو الباب رفعت راسها وهي تتأكد انهم خرجو ابتسمت وهي تحس نفسها انتصرت
جالس بالمجلس وهو يفكر فيها اكيد تعبت بسببه وهاذي بنته يخاف عليها  كيف هو يأذيها
دخلت مزنه ومعها سهيلة
- نايمه ماتبي تقوم تقول تعبانه
هز راسه واعطى الكيس ل مزنه
-خذي ياخالة عطيها ياه ان صحت انا استأذن ابي اروح عندي شغل
- الله وياك
سهيلة: انتبه على نفسك ياولدي
-أن شاءالله فمان الله
-فمان الله
خرج من المجلس وهو يلبس حذيانه ناداها لعل وعسى تسمعه وتجيه
ميان لكم ماسمع الا صدى صوته عرف انها زعلانه
لمح ظل عن الشباك حق البيت التفت واقرب ناحية الشباك بخطوات بطيئة دون اصدار صوت