يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢١

يا عشقاً كلما حكيته هام به الفؤاد ويا غراماً زاد عشقه حد الهيام 🤍
———
بالقرية وتحديداً بالمجلس

مزنه: خلاص يا ظافر،مانبي ناخر الرجال اكثر من كذيه
ظافر: طيب يمه
مزنه: وش فيك يا ظافر، اشوف خاطرك متكدر
ظافر: تذكرت اليوم ولدي فيصل الله يرحمه ونويت اذبح ذبيحة واوزعها صدقة
مزنه؛ ايه زين ماتسوي، الله يرحمه برحمته يارب

دخل امجد بتعب بعد مارد من شغله
راح ناحية جدته وقبل راسها وسلم على عمه

ظافر: وينك فيه ياامجد وش هالشغل اللي ماخذ كل وقتك هالحين ١ الظهر وتوك راد للبيت ،مايصير البيت كله حريم ويبي لهم رجال وانت ماغير محتار ب اشغالك، ليه ماتاخذ بكلامي وعطيك تجارة جدك تشتغل فيها واعتمد عليك، ولو ماتبي من شغلنا اعطيك مبلغ تفتح فيه محل وتشتغل من خيرك ووقت ماالله يسر امرك رد المبلغ

-ايه والله صحيح كلام عمك ،يساعدك وتفتح لك تجارتك وتنام وراسك بارد

-والله ياعمي ، صحيح تعبان من هالشغلة وتدري فيني ماحب اعتمد عليكم بكل شي، ولكن انا عندي مبلغ كويس ابي افتح لي مشروع مااحتاج الا استشارتك لاني ادري فيك تفهم بهالتجارة

- ماتبي ازيد لك على هالمبلغ وتفتح لك محل ورد بالهدى، ادري فيك تحب الزراعة وتكسب من وراها وشغلها معقول ماياخذ من طاقتك ووقتك

-اللي تشوفه ياعم على شورك وهداية الله
-اجل مر علي بكرا ونتفاهم بهالامور ( وقف من مكانه) انا الحين استأذنكم عندي شغلة
-الله يسهلك ياولدي
-مع السلامه

خرج ووقف عند البيت طلع جواله من جيبه وهو يتصل
-ايييه السلام عليكم..... اعذرنا ياخوي كان عندنا مناسبة وهالحين فضينا.... دقيت اقولك الاهل فاضيين وقت ماحبيت تشوفها تعال حيّاك....خلا هالحين عطيهم خبر.... فمان الكريم

رجع لداخل وكلم امه من عند الباب
-يمهه
-هاه
-يقولكم جايكم المغرب خلي امجد هنيه لاينام يستقبل الرجال وانا ان شاءالله مااتاخر عليكم
-ان شاءالله ، درب السلامه
-الله يسلمك

دخلت لداخل وهي تشوف ميان تطرز بكل تركيز
-مياانن
ردت بدون ماتطالع
-هلا يمه
- اتركيه عنك و روحي وكلي الغنم تلقينهم ماتو جوع
-هالحين شوي عطيني
-قومي
-اهو يمه قمت

وجلست بمكانها واردفت بصوت مسموع ناحية غرفه امجد
-ياامجد لا تنام، هالحين يجي اللي يشوف عمتك تستقبله

تحط الاكل للغنم وتسمع صوت الباب يندق
تأففت بقهر واردف
-من هالحين جاي ،ماهم بشايفين الوقت وقت غفيوه
فتحت الباب، وتلاقيه هو عيونه بعيونها نفس النبض ونفس الشعور ونفس الحب ماتغير بالعكس بكل مره يزيد
اردف بصوت جهوري حاد
-دخلي لداخل
عطاها ظهره

حست على نفسها فاتحة نصف الباب وواقفه بدون غطاها دخل لداخل بسرعة وقبلها يطرق طبوله

مزنه بشك
-وش فيك ياخايبة جايتني تركضين
-عمي غالب بره يمه
-هاه، وش اللي جابه ياستار