يا عشقاً كلما حكيتُه هام به الفؤاد ويا غراماً زاد عشقهُ حد الهيام

١

في هالليلة صوت الرعد وحبيبات المطر اللي تهل على هالقرية البسيطة والرجال يجرون عالمسجد اللي بالحي خوف من البلل يقام بصوت جميل وخاشع صلاة الفجر وصداه يعم في كل القرية اصوات العصافير وصوت الديك على هذا الفجر اجواء صباحية مميزة القرية يعمها النشاط والحركة

في احد البيوت الكبيره في وسط هالقرية
ريحة القهوة فالمضيف اللي مايخلو من ضيوفه
متوسط المجلس جالس بهيبة ثوبه والبشت شماغه والفنجال بيده اليمين
وصوت صدى الضحكات طفلة يتردد فالمكان

-انا فزت
-لا لا عمي غشاش
-هههههههه

لتدخل تلك المرأة في متوسط سنها التجاعيد الخفيفة تظهر على وجهها ومقدمة من شعيراتها البيض ظاهره تمشي ببطئ بعصاتها السوداء

مزنه: السلام عليكم
غالب قام لها يسلم على راسها: وعليكم السلام هلا بخالتي هلا

مزنه : اجلس ياوليدي جيت ادور على هالبنيه متعبتني صار لي ساعة ماغير انادي والجيران سمعوني وهي لا

ميان: هاه جده
طلعت من جيبها معاضد ذهب
-هاتي ايدك اشوف تجي عليها ولا لا
...اييه كويس دخل داخل كيف تشوفه يا غالب؟

-مسك يد ميان كل شي تلبسه يطلع عليها حلو
وقبل يدها الصغيره

-عمي غالب خلينا نعيد انت غشيت
- هههه خليني اجلس مع خالتي شوي وبعدين اناديك نكمل لعب
-طيب
اخذت العابها وذهبت لداخل

مزنه : والله انها كاسرة خاطري هالبنيه هي واخيها
تنهد : ايه والله ياخالتي الله يكون بعونهم الله بلاهم بأم واب مايراعون الله بيهم
مزنه: المشكله ياغليب انه ولدي تعبت انصح بيه مامنه فايدة

-والله ياخالتي ماشرطت عليهم الا اوعيهم بعيالهم لكن ولا وحد منهم اعترض
مزنه: والنعم منك ولد سهيلة بس هي تربيتي ضاعت فيه
غالب: الله يهديه ياخالة
مزنه : امين

غالب: كيف بيت ابو خالد كفو من مشاكلهم
تنهدت: الشيطان يتوب وهم مايتوبون
غالب: ميااان وينك؟
ليأتيه صوتها من بعيد
-هاه
تعالي تبين تلعبين
-الحين جاية
دقائق ودخلت المجلس وهي تحمل العود
ناظرو فيها وضحكو على حركاتها

ميان: عمي غالب غني لي
مزنه: هههههه الله يقطع ابليسك ياغالب علمت البنيه على هالعود ماغير جالسة على راسي تقول غني لي مثل عمي غالب وان ماغنيت تزعل علي
ميان: ايه شفتها ياعمي ماتغني لي انت بس تغني لي جدة تقول صوتها ماهو بحلو مثلك
-ايا الخايبة مين صوته مو حلو
ناظرت في جدتها ببراءة
-انتي

غالب: اخذ العود من يدها وهو يضحك عليهم
- ابشري وش اللي تودينه؟
- ابي الاغنية اللي يقول بها ياعلها تعيش السعادة بدنيتها
-ههههه ماطلبتي شي
ابتسم وبدأ يعزف ومزنه تصفق
——————-
بانت مثل مابين النور من شمس ... من شافها سلهم يامحلا قبلتها
من شفاتها ماأميز الصوت من همس ... يسجى النظر فيها ولا يمل نظرتها

غضيت عيني عنها كان بالأمس ... واليوم أنا من بعدها ملك ضحكتها
لو تنظر بعين اللطف للحجر حس ... تحت القدم حس الثرى بخف خطوتها

في عينها دنيا الغناوي توجس ... سبحان من صاغ الحسن في حلاوتها
ريانة القامة حشمة تلبس ... ياعلها تعيش السعادة بدنيتها
———————
جلست ميان تصفق بحماس
-حلو حلو تاني 
غالب: لا خلاص تعبت خليها بوقت ثاني بنيتي الحين عندي شغل بروح
ميان: طيب انتا ماتجي الا مرتين بالاسبوع متى تغنيلي؟
غالب: ههههه خلاص حبيبتي اجيك بكرا واغني لك وش رايك؟
مدت اصبعها الخنصر
-وعد
ضحك على حركتها وشبك اصبعه مع اصبعها الصغير
-وعد
شالها عن الارض وباس خدها

-يلاه اني رايح وبكرا جايك تبين اجيب لك شي
-ايه ابي لعبه
-ابشري
نزلها عالارض
-ياخاله تامرين بشي
-سلم لي على سهيلة
-يوصل ان شاءالله يلاه فمان الله
——————
-تعالي ميان خليني اربط شعرك خربتيه
- طيب
امجد: جده
مزنه نعم ياوليد
-عطيني ١٠ ابي اروح للدكان
اصبر دخلت يدها في ثوبها طلعت فلوس واعطت امجد ٥ ريال
- هاه خذها
- ابي كمان ٥
-مافيه روح واحمد ربك وجيب لاخيتك معك
-مايكفي
-الا يكفي جيب لها حلاو بنص ريال وخذ الباقي
عبس وجهه
-طيب

ظفرت شعر ميان وميان ممسكه بعروستها تظفر شعرها ابتسمت الجدة على برأتها تحس باقي الدنيا بخير وهي عايشة بين هالحفيدين القريبين على قلبها بس الله رزقهم والدين استغفرالله
-مادري امهم كيف هان على قلبها تسيبهم وانا لو ثواني ماسمعت صياحهم يجيني القلق
تنهدت وهي تستذكر ذاك اليوم
جالسين بالمجلس والاجواء متوترة و مشحونه
فلاح : مطلق يعني مطلق ما ابيها

اسماء وهي لابسة عباتها وتكلمت بإنفعال: واني هم ماريدك اريده يطلقني اكرهه
وسط هالنقاش الحاد يجلس غالب ويفر بسبحته وسارح بالفراغ يسمع لهالنقاش الحاد
مزنه: وش تتطلقون وعيالكم وين يروحون ماتفكرون الا بنفسكم مين يربيهم مين يكبرهم
اسماء: ماني بمسؤله هو ابوهم هو يتحمل
فلاح: ولا اني بمسؤل
مزنه وضعت كلتا يديها على راسها
-يابووووويييي ضاعو العيال

واخيراً تكلم بعد صمت طويل
غالب ناظر بثبات نحو فلاح
- تبون تتطلقون الحين اجيب الشيخ يطلقكم
بس يافلاح عندي شرط
-شروطك وفرها لنفسك انا مطلق بكل الاحوال
اردف بصوت عالي ونظره تحذيريه

-فلااااح والله ان تعلي صوتك علي ثاني مايصير خير وانت تعرفني فعول مو بس كلام وشرطي ان كانكم تريدون طلاق يتنفذ لا والله اسوي اي شي بيدي ولا تتطلقون وانت عارف وش اقصد بكلامي
فلاح بتوتر: وش هو شرطك؟

غالب : وكاله بكل امور ميان و امجد تشيل يدك منهم مره وحدة كل شي يخصهم بإسمي وتصير انت ابوهم بالاسم وبسس وانتي ياامهم ان انكتبت لي الوكالة مالك اي حق بيهم واشوفينهم مره بالشهر وراح يربون هنا في بيت الشيخ حركات تسوون الوكالة وتلعبون بذيالكم مابيها

امجد: تم
اسماء ناظرت في مزنه بتردد مزنه هزت راسها بأسف
جاوبت اسماء
-خلاص مثل ماتريد بس اهم شي اطلق
.......يتبع