يا عشقاً كلما حكيتُه هام به الفؤاد ويا غراماً زاد عشقهُ حد الهيام

١٠

هالبارت اهداء لاحلى متابعة سوسن 💗
وفي بارت بينزل الساعة ١١
—————-
يا عشقاً كلما حكيته هام به الفؤاد ويا غراماً زاد عشقه حد الهيام 💗
———-
- من اكتشفت الحقيقة المره حسيت كل واهسي بهالحياة انطفى
مين هاذي اكيد يحبها وانتي يا ميان وش؟
مثل مايقول بنته !

وجع بقلبي وضيقه واحس بغصة جالسة بحلقي لاهي راضية تنزل ولا راضية تخليني ابكي اتخذت قراري لازم ابتعد عنه خلاص هالحب مالي فيه نصيب وماراح القى منه غير العذاب
فززني صوت خلفي التفت وانا اشوف جدة مزنه واقفه بعجز ممسكه بعصاتها ونظراتها فيها مليون سؤال على حالي جلست بجنبي على حافك السرير و بدأت تمسح على شعري بحنان
-شاللي صاير بحالك ماتقولين لي؟
-مافيه شي يمه بس تعبانه هالايام

-تريدين انرد للديرة؟
-لا ياجدة انتي من وين لوين تشوفين خالتي سهيلة خلينا هنا تونسك و تونسيها
-بس موب عاجبني وضعك من يوم ماجينا وانتِ حالك متبدل ماتقولين انك ميان الاولية
-لا بس طفشت ابي اروح لجدة نعيمة
-ابشري كلمي عمك غالب وشوفيه ان رضى او لا واوديك
-مابي اكلمه يمه هو زعلان علي وديني انتي مع عمي ظافر مايقول شي

تنهدت
-تمام جهزي نفسك بكلم لنا سهيل يجي ياخذنا
هزيت راسي وخرجت جلست عالسرير وفكري كله اللي شفته فالصندوق والكلام اللي قريته ثواني واشوف فتح الباب و زهيرة معها بنيتها بالمنشفة جاية تلبسها سرحت بالفراغ ماحسيت الا هي جالسة بجنبي
-وش فيك يا ميان؟

ابتسمت ابتسامه شاحبة مافيني شي وش بيكم علي بس طفشانه
-لاتضحكين علي بهالكلام انا دارية انه غالب ضاربك واكيد غالب مايمد يده عليك الا وعنده سبب قولي وش فيك؟
رفعت عيني وانا اكتم دموعي من النزول حسيت اني منتظرة احد يقولي وش فيك بس عشان انفجر واشكي من حبه اللي عذبني خانتني دموعي والشهقة تملكت صوتي

- ادري  بتقولين علي مااستحي وماعندي اخلاق مثل ماقالي اسوأ انواع الكلام بس انا احب عمي غالب وهالحب بقلبي صارله سنتين وكل يوم حبه بقلبي يكبر بس ماحسيت بهالوجع الا الحين تعبت منه ومن حبه والصدمات اللي بتعرضها منه كلها اتعبت لي قلبي  ابي اخذ استراحة بعيد عنه ابي انساه لانه مالي امل في هالحب محد بيتعب غيري

مسحت على ظهري وناظرتني

-اول شي ماراح اقول عنك قليلة اخلاق الحب مو حرام وحبك لغالب لاهو بيدك ولا بيده هو بيد الله لاتلومين نفسك بس دامك تعبانه روحي وارتاحي شوي منه محد يلومك يا ميان ماحسيتي بالحنان الا معه بس تأكدي من مشاعرك
ميان: شلون؟

زهيرة: روحي كم يوم لبيت جدتك ام امك و اقطعي كل تفكيرك بغالب ان حسيتي ماقدرتي على بعده انتي تحبينه وان يومين و تونستي وماخطر على بالك هاذي مشاعر مراهقة وابد مو حب ويمكن يكون حب ابوي مو مثل ماتتوقعي
ان تأكدتي وقتها تعالي قولي لي على مااتأكد انه اللي في فكري صح
-وش اللي تفكرين فيه؟