تقولها ميان
يمه يطيح من التعب قلب رجال
وشلون أنا ما أطيح وأنا بنيّه
ماعاد قلبي يحتمل خيبة آمال
اخذيني بحـضنك وسمّي عليـه💔
وترد مزنه
ماني معك بالكلام اللى يقال
وان طحتي ماهو عيب وخطيه
كلى انا حضن بس انت تعال
الصدر مجلس والمراكي يديه
ياعشقاً كلما حكيته هام به الفؤاد
ويا غراما زاد عشقه حد الهيام ❤️
-rw_wared
.
.
.
ميان : بقيت بيومي كله مقهورة منه شلون يمنعني ولا انا قدرت اعترض على قراره
عطيت ثوبه وشماخه لامجد ورحت لغنم جدتي انظفهن
رمضان قرب وجدتي تبي توزعهم مايهون علي يذبحونهم بس شنسوي حكم القوي عالضعيف
شفتهم جدتي وامجد خارجين بلعت عبرتي ودخلت لداخل
——————-
جوري : ريوف وضعها ماهو بعاجبني سمعت اتصالها مع امجد البارحة وكانه يشكي لها واحس اختي ماهي مبهتمه
انقهرت عليه واتمنى لو اواسيه
بس آن شاء الله تعبه مايضيع
قمت وفرشت مصلايتي وبديت اصل وادعي ربي يعيني ويهديني
قمت واشوف طلال بالصالة يتفرج تلفزون
الحين ٥ العصر والبيت ياخذون قيلولة وعلى المغرب انقوم
لكن انا مازارني النوم من البارحة ريوف شاغلة بالي اتمنى لو تحكي صحيح اختي لكن بالنسبة لها اعتبر صغيره كثير هي ٢٣ وانا ١٥ لجل كذيه مافيه يوم جلست معي وشاركتني شي يخصها
ريوف انانيه ودايم نفسها فوق كل شي
اذكر ايام من يجون صديقاتها من الرياض تخليهم ينامون بمكاني وتطردني وابوي ياخذني انام عنده هو وامي
انا عندها بالهامش ماحسها اختي
مره كتبت قصة قصيرة وعطيتها تقراها عطتني ياها وهي تضحك
ريوف: ليتك راقدة ولا كاتبتها
-شلون ماهي بحلوه؟
- لا
عطتني ياها وبعدها مافكرت اكتب لانه حسيت هالشي فيني ذبل ومافيه من يسقيه ويدعمني وانا ادري لو ابوي قراها بيتصرف عكس تصرف ريوف
تركت القصص وصرت اكتب اشعار تعلمت شوي من ميان وابوي وجدتي مزنه والباقي بديت انا االفه وطبعاً كلها عن امجد اللي مادرى عني
قاطع تفكيري صوت الجرس قام طلال يفتح الباب وانا قمت وراه بأستغراب الكل نايم من يجينا؟
سمعت صوت مره ماميزته لكن سمعت صوته فز قلبي والمشاعر نفسها تتجدد بقربه
عرفت اللي معه جدتي مزنه دخلت داخل اهرب منه مشتاقة له فوق الوصف
لكني اعرف شوقي له من طرف واحد مشاعري محدن بيتعب بها الا انا
مزنه: يااهل البيت وينكم يالله مساء خير
خرجت من الغرفه واشوفها جالسة بالصالة وتنادي
مزنه: هلا يمه هلا وينه ابوك مانا عطيته خبر اني جايه
-ابوي نايم هالحين اناديه
أنت تقرأ
يا عشقاً كلما حكيتُه هام به الفؤاد ويا غراماً زاد عشقهُ حد الهيام
Romantizmهو : اكبري عشرين عاماً ثم عودي إن هذا الحب لايرضي ضميري حاجزُ العمر خطيرٌ ..وانا أتحاشى حاجز العمر الخطير نحن عصران ..فلا تستعجلي الفقز يازنبقتي ،فوق العصور... أنت اول سطر فالهوى وانا اصبحت فالسطر الاخير ******* هي : دعني احبك گ حب النجومِ للق...
