يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢٠

ابعتذر .. عن كل شي ..
إلا الهوى .. ما للهوى عندي عذر ..
ابعتذر .. عن كل شي ..
إلا الجراح .. ما للجراح إلا الصبر ..

—————
راح الشيخ وردو الرجال المجلس ميان بقت متصنمه بمكانها الدموع بللت رموشها
-يالله انا وش سويت
ملامه وعتاب ظهرت بعد ماشافته قدامها ونظراته مطبوعة على عقلها، فززها صوت الهلاهل من مجلس الحريم والطق ومزنه ونعيمه يرقصون

ابرار تهوس وتهلهل بفرح الكل مبسوط بهالليلة الا هي نزعو عنها عباتها واخذوها ناحية المجلس ،وحطو الطرحة المزخرفة على راسها والذهب الناعم على يدها ويزين عنقها وهم قدامها يرقصون وهي تعيد نظراته بذاكرتها

تقدمت ابرار وهي تسحب ميان من يدها ومعها ريوف يرقصون بفرح بهالليلة

انتبهت ريوف على مزنه تأشر لها راحت لها
مزنه: ريوف بنيتي تعالي
اقتربت من اذنها واردفت
- الشاي جهزيه بالصينيه للرجال
- ايه الحين ياجدة
راحت ناحية المطبخ تمشي بهدوء وخطوات رزنه لابسه الكعب الابيض وفستانها الاصفر الطويل باكمامه الطويله ماسك من الخصر وبناجر الذهب ترن في يدها

بدأت بصب الشاهي بكاساته سمعت صوت رجولي عند باب المطبخ اللي يطل عالحوش
-الشاهي الشاهي
توترت واردفت
- هالحين يجهز
-بسرعة
شالت الصينيه واحتارت كيفه تعطيه اياه وهي حجابها مو على راسها ومافيه احد يعطيه

فتحت الباب و تخبت خلفه وهي شايلة الصينيه
دخل امجد، وكل ظنه انه الصينيه عالطاوله اللي بجنب الباب

فزت وهي تشوفه وكادت ان تقع الصينيه من يدها ولكن امجد تدارك الوضع وامسك بيدها اللي ممسكه بالصينيه
-بسم الله
عيونه تناظرها بتفاجأ تتامل تفاصيل وجهها توترت من نظراته الغريبه

حس على نفسه و اخذه منها ونزل عينه عنها اعطاها ظهره بلع ريقه واردف بنبره راجفة
-انتي ريوف؟
نبض قلبها وتفاجأت من سؤاله ونبرة صوته و اردفت بتردد
-اييه
خرج واغلقت الباب من خلفه وقلبها ينبض بفزع من هالموقف
ماعرفت مين هالشخص اللي شافته هو سهيل ولا اخوه وكيف عرفها
ردت لهم فالمجلس وهي تحت تأثير الموقف
———-
جالسة بمكانها ودها تخلص هالمهزلة بسرعة تبي تستفرد بنفسها وتبكي تعبت من التمثيل اقتربت منها نعيمة واردفت
-الف مبروك بنيتي، ليتها اسماء هسة ويانا جان شافت بنيتها عروس
ابتسمت مجامله والقهر بقلبها
جلست بجنبها جوري واردف
-ميان ماتدرين منهي هاذي اللي من بداية الحفل وهي جالسة بعباتها ،لاتسولف ولا شي وكل ماعطيناها شي ماتبي

عقدت ميان حواجبها ،وصارت تدور عليها بعينها انتبهت للجالسة بالركن بعباتها وغطى وجهها تجلس بصمت
هزت راسها بلا

قامت جوري منها وهي تسمع صوت نعيمه
-لو سمحتو يابنيات البسو عبيكم العريس جاي يلبس العروس ذهبها