يا عشقاً كلما حكيتُه هام به الفؤاد ويا غراماً زاد عشقهُ حد الهيام

١٤

وش هالكون بعدك
علمني وش يكون
وش هي الدنيا بدونك
غير صمت وسكون
الصبح شاحب واللليل تملاه الظنون
والزوايا موحشه (( فاقده قلب حنون ))
عادي كل هالناس يروحو او يجون الا انت ياعمري " روحتك والله ماتهون يكفي المشاعر في غيابك ترجاك عافت جميع الخلق ترجى وصالك قلبي نطق غصب عني وناداك شوقي لك أكبر من حدود أحتمالك ما أقدر أشوف اليوم نفسي بلياك وقلبي مايرضى شخص ثاني بدالك.

ياعشقاً كلما حكيته هام به الفؤاد ويا غراماً زاد عشقه حد الهيام 💗
————
مزنه: ميااانن وصمخة قومي رفعي البيت من البارحة مغبر وكمان كان بالمطبخ جك عصير مغطى بجنب الشُباك وينه فيه؟
ميان: يمهه شوي ابي انام ، مدري وينه اسألي عمه حنان عنه هي منظفة المطبخ
مزنه: سألتها عنه تقول ماتدري
فتحت عيونها تحاول تستوعب اللي انقال
- اييه العصير، البارحة حطيت لي انا وعمه حنان وامجد وشربنا منه.

ضربت على صدرها وشهقت
- وشهووو، شاربين بول الناقة
قامت من فراشها تناظر جدتها واردفت بصدمه
-بول ناقة؟؟ يمه ويش مسوي بجك العصير ولويش حاطة بول جمل بالمطبخ يايمه؟
-احطه لشعرك اجل وين احطه
-ياربيي يمهههه
قامت للحمام وهي تحاول تطلع اللي شربته
وتتحلطم عند المغسلة لين ماقلبت معدتها وصارت تطلع( الله يكرمكم)
خرجت حنان من الصوت وهي ترفع شعرها وتشوف ميان ترجع راحت لها وهي تتسائل بخوف
-وش فيك ؟ بسم الله
ناظرت ميان في عمتها واردفت
-البارحة اللي شربناه طلع بول نياق امي حاطته بالجك
-وشهووو ،،، صح يمه؟

اردفت مزنه بزعل
- وش فيكم، ايه صح الحين بدل ماتجيبون لي بول نياق وتعوضوني جايين تهاوشوني ماتستحون على وجيهكم،، هذا غالي موصيته من الرياض ب ٣٠٠ ريال
حنان تحاول ترجع وميان جالسة تغسل وجهها تبي تصحصح
-يمهه كمان موصيته وتبي تحطينه بشعري
حنان: يمه انا اخلي غنماتك تبول واعطيك اياه ب ٥٠ ولا هالتعب والضيم يععععع
وضربت ميان

-كله منك جايتنا احسبه عصير وشربت نص الكاسه
-كله من امجد قايل لي انه جاب عصير وحطاه بالمطبخ وانا شفت الجك وصبيته
مزنه: لاتكلموني لين ما تجيبونه، لي ولا ترجعون لي ٣٠٠ ريال
-انا اشق ملابسي وارتاح وشهو ٣٠٠ ضحكو عليك
-خليهم يضحكون علي جيبي فلوسي كلمن يدفع١٠٠وتوفون الدين،،، ايه انتي تعالي خليني احط لك زيت الزيتون البارحة جابته ام خالد والمرة الجاية اخلي حنان تجيب لي بول الناقة

-لايكون شي ثاني يمه وتقولين زيت زيتون
-اقول امشي خليني احط لك عشان من تتزوجين مايردك علينا يقول غشيتوني شعرها صاير ميت
قومي يلاه
-الله يستر
—————
جالسة بغرفتها تسبح ربها
-سبحان الله سبحان الله ...
قاطعها صوت الباب ولدخوله بهيبته لابس ثوبه الابيض وشماخه الاحمر جلس بجنبها وهو يقبل يدها
نعيمه: تعال ابني كنت اريدك اجلس
واشرت له بجانبها جلس ناظرت فيه ثم اردفت
-ردت علينا الموافقه ، وحددنا الخطبة بس ان متأكد هسه انك اتريد ميان