يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢٤

جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!
🤍.
—————
ميان: بوقتها رفع راسه لي ونظراته كلها عتب ماتحملت وبكيت اكثر وانا اشوف حاله عيونه حمر ووجهه بيه اثار جروح مايستاهل اللي يصير بيه وانا ماني مصدقة للحين هالتهمة اللي عليه

غالب: يلاه امشي معي الشيخ ينتظر
عبدالرزاق: اريد احجي  وياها اذا تسمح
ملامحه كلها رفض لكن ناظر بميان اللي هزت راسها برضى
- ٥ دقايق
خرج وبقى واقف عند الباب

ناظرها وشاف دموعها اقترب منها وصار يمسح دموعها
عبدالرزاق :ليش هالدموع يابه؟ هاه
نزلت دموعه واردف بإبتسامه جانبيه
- توقعتج تجين حتى تشوفيني خايفة علي توكفي بصفي و تهونيها علي ، بس هسه انتي جاية تريدين الطلاق
واردف بنبرة كلها وجع

تدرين اني شكد حبيتج وتدرين انتي شكد اذيتني
اني جنت اعشگ التراب اللي تمشين بيه، من اول مره شفتج وصرتي ابالي و تمنيتج حلالي وصرتي اللي تمنيته صرت احير شسوي الج واخليج سعيدة ويايه رفعتيني بالسما عالي ، وبلحضة رميتيني بالگاع ، ولج سمعتج تحجينن وتقولين احبه ، شنو شفتي بيه و حبيتيه ، اني كنت مقصر وياج بشي جاوبيني
هزت راسها بلا وهي تبكي

اقترب وامسك وجناتها
- لاتبجين دموعج تنزل تيزاب على گلبي ، يابه كل شي ولا هالدموع ، يروحلج عبدالرزاق وجده وعشيرته فدوة لهالدموع
تدرين اني هسة هنانه بسببج حبيبتي ، اني اشتغلته هالشغله الج حتى اجمع مهرج واتزوجج وشوفيني اني وين هسة

- مالها الجواب الا الدموع تشرح وجعها
تنهد وحاول يستجمع نفسه
واردف بخنقة
-روحي ميان ، انتي طالق روحي وياه وأتمنى انو يحبج مثلي ولو هالشي مستحيل

خارقت قواها وجلست عالارض موقفها صعب ومؤلم تشهق وتبكي بحزن دخل غالب وشاف حالها شالها من عالارض واخذها بحضنه وهو يهديها مايتحمل يشوف دموعها

وعبدالرزاق يطالعهم باسى خذلان اقترب من غالب بخطوات بطيئة واردف
- اتهنى بيها وبحبها اني مالي نصيب بيها

اخرجها من الغرفه يحاول يهديها اقترب ظافر وابعدها عن غالب
-روح عند الشيخ على ماتهدى
راح وبقت ميان تبكي بحضن عمها اردف بحنان وهو يمسح على حجابها
- خلاص يابوي لاتبكين ، قولي الحمدلله انه انكشف لك فيها الخير

سمعو صوت نعي نعيمه وهي داخلة تبكي وجنبها امرأة لابسة عباية سوداء ونقاب تبكي هي الاخرى تمشي بضياع شافت امامها شرطي واردف
-ابني وينه عبدالرزاق ؟
-ياخالة اجلسي ممنوعة الزيارة
التفتت وشافت قدامها ميان راحت لها تركض واردفت
- ميان بنيتي، شفتيه عبدالرزاق ، هسة شصاير بيه اذوه؟