يا عشقاً كلما حكيتُه هام به الفؤاد ويا غراماً زاد عشقهُ حد الهيام

٢٥

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار

——————-
عقدت حنان وصارت حفلة بسيطة ببيتهم اخذها وراح وفضى البيت من ضيوفه وبقى بس ميان وامجد ومزنه
اردف امجد

- يلاه يمه عقبال ما تتزوجين و تملين  لنا البيت فروخ
شالت عصاتها تبي تضربه لكن ابتعد عنها

- مجيييد ، اركد لا اكسر لك عظامك بهالعصى،وش مصحيك لهالوقت ماعندك دوام من صباح الله خير
- لا جالس على قلبك تركت شغلي
- يلاه كويس عشان تحضر معنا زواج محسن هنيه في البييت اللي قبالنا
—————-
فاتن: بعد مادخل عبدالرزاق للسجن اخذوني جدته وجده لبيتهم وعطوني غرفة عبدالرزاق انام بيها
محد حاول يتدخل فيني او يسأل وش هي ظروف زواجنا لكن انصدمو من عرفو بيه متزوج بيه

تعلقو بخالد وكانه ولدهم وصارت حتى ابرار تاخذه تنومه عندها بالليل وبالصباح من حضن عمه لحضن عمي

اما انا بالليل تهيج جروحي من ماضيي وحالي لين بُعد عبدالرزاق عني ، احتاجه اتذكر كل شي يخصه ولو شي بسيط واشتم مخدته واحاول اخزن ريحته بأنفاسي لعلها تصبرني ، اشهر ماقدرت اتعود على بُعده عني

وكأني معه من سنين مو معه من اشهر ، ماكان عندي الا حل واحد اتصل عليها على ميان يمكن بيدها تسوي شي ولو تحاول لاجله هو

طلبت من ابرار رقمها استغربت لكنها ماتدخلت وعطتني اياه
دخلت للغرفة وانا اضغط اتصال وقلبي ينبض بسرعة وعندي امل امل كبير انها راح تساعدني، ماقدر اكون جالسة بدون ماسوي شي عالاقل اجرب حتى لو مافيه نتيجة عشان اطمن قلبي بس

اتاني صوتها
واردفت
- السلام عليكم
ردت والاستغراب مبين من صوتها
- وعليكم السلام ياهلا
- ميان انا فاتن زوجة عبدالرزاق .
-وشو زوجته هو متزوج؟

- ايه سالفتي طويلة بأي وقت احكيها لك ان حبيتي لكن مو هالحين ، دقيت عليك داريه فيك للحين تعبانه ومعذبة والسبب عبدالرزاق ، عبدالرزاق يحبك وكان يحكي لي كثير عنك  ابي اطلب منك طلب واعتبريه رد جميل لحب عبدالرزاق ابيك تكلمين قريبكم يحاول يساعده مو لاجلي عبدالرزاق بيصير عنده ولد والناس ماراح ترحم ولدي وين مايروح يقولونه ابو خريج سجون ، ان كان بيدك اتمنى تكلمين قريبك وتخليه يسوي اللي يقدر عليه واكون ممنونه منك

ميان: ماتوقعته متزوج وزوجته حامل ، بس ياحظك فيه عبدالرزاق ورده واحمدي الله الف مره عليه
وانا بحاول اكلم عمي غالب يسوي اللي يقدر عليه لاجله

-مشكورة ماتقصرين ، طولت عليك يعطيك الف عافية
-الله يعافيكي
قفلت الخط وتنهدت
قامت من مكانها وضعت عباتها على كتوفها ولبست حجابها بإهمال خرجت وذهبت للمجلس الخارجي
وهي تسمع صوته الرجولي من عند الباب طرقت الباب عدة طرقات واردف ظافر
-من؟