يا عشقاً كلما حكيتُه هام به الفؤاد ويا غراماً زاد عشقهُ حد الهيام

٤٤

ياعشقاً كلما حكيته هام به الفؤاد
ويا غراما زاد عشقه حد الهيام ❤️

rw_wared
.
.
.
مزنه: على بركة الله يمه وزين سويته مارفضت بنت عمك جوري وين تلقى مثلها ونسوي لها زواج مافيه مثله لاتعتبرها هدية حقها مثل حق البنات مهر وزواج وعشاء

امجد: يمه بس هي صغيره اصبر على ماتكبر واخذها
- ايه يمه هي صغيره بس انت شوف شلونك كبرت والعمر يركض متى ناوي تخلف من تدخل الثلاثين ومتى يلحقون عيالك يكبرون
انا اقول نعجل احسن لنا وجيبها وعيشو عندي على ماتبني ماتجمع قروشك وتشتري بيت

-يعني متى ناويه تخطبينها
- انا ماروح لظافر خاطري متكدر منه خله هو يجي هنيه وانا اطلب منه بنيته حتى ماجا وراضاني انا امه
- يمه عمي ظافر البارحة صابته جلطه خفيفة ونم بالمستشفى

-ياستارالله يستر من هالبنيات مافكرت بابوها وحاله كل اللي فكرت فيه نفسها لو اللي صار له من زعلي عليه يارب انا مسامحته ولا يصيب وليدي شي

-شلونها ميان هالحين ؟
تنهدت: على الله يمه حالها على الله
-لويش خليتيني اسكت له يمه خله يعرف ان هو ماسندها وراها اخوها يسندها
-والنعم فيك بس شلون تبي تمد ايدك عليه انت وهو شايل مسؤوليتك من صغر انت وياها وعانا عشانكم كثير وكانكم عياله مو على سالفة بسيطة تنكر تعبه فيكم انا اتصافى وياه انت خلك بعيد مهما يصير هو زوج اختك وبيوم كان مثل ابوك ومايصير تنكر افضاله كلها

قام امجد لغرفته عصب مايقدر يواجه ميان بسبة انه مايقدر ياخذ حقها ومزنه واقفة بوجهه ومانعته

اما ميان اللي تشهق بقهر تسمع صوت سهيلة بالتيلفون تترجى فيه يرد
- تعال يمه وبين موقفك مايصير لازم نحل المشكله تاركني هنيه قدام اخيتي وماقدر اناظر بعيونها .... الله يهديك

ميان شايلة بخاطرها عليه شلون يتهمها هالتهمة ردت لغرفتها وتناظر للمرأة وتشوف وجهها اللي كله كمدات جسمها خطوط بنفسجية وحالتها صعبه جمالها انطفى عيونها ذبلانه وصار جسمها هزيل مافيه روح
الم ببطنها يداهمها تبقى تقرأ عليها لين مايروح الالم عنها نزلت شوي من ثوبها ناحية صدرها وهي تشوف اثر الحرق اللي عند قلبها نزلت دمعتها
شلون هان عليه يسوي فيها كذيه
بعد ماكان هو الامان لها صار مصدر رعب
حقها التعذيب اللي تعذبته مو قليل وياريت على سبب مقنع بس بعد هذا كله ماتدري ليش للحين تحبه

انفتح الباب ودخلت مزنه شايله معها كوب عصير

ميان رفعت لبسها لجل مزنه ماتنتبه عالحرق
مزنه وهي تعطي ميات العصير
- سمعتي اخر الاخبار اخوك نوى يتزوج بنت عمه جوري
ابتسمت ابتسامه مطفيه فرحت لجل اخوها لكن الحزن متملكها على حالها
- الله يبارك لهم
رفعت عينها وكلها تساؤل
- يمه وينه غالب؟
- لاتساليني عنه وانشغلي بنفسك يمه غالب ماعاد يفيدك
اخذت عصاتها وقامت تاركه ميان في دوامة افكارها
——————
طلال : يمه ابوي يبي جوري تدخل عنده
ام طلال : روحي يمه
دخلت جوري عنده عيونها حمره من الدموع تشوف ابوها معلقي له المغذي واجهزة حوله
اقتربت منه واحتضنته وصارت تشهق